SECTIONS
Thursday, June 20, 2019
SUPERBALITA CEBU

Moimbestigar na kang Osmeña

ANG Office of the Ombudsman (Visayas) pormal nga mopahigayon og fact-finding investigation sa complaint batok kang Toledo City Mayor John Henry Osmeña tungod sa giingong mga iregularidad sa paggasto sa P210 milyunes ubos sa Clean and Green Program sa Siyudad.

Si manlalaban Pablo John Garcia, kinsa nipasaka sa kaso batok kang Osmeña niadtong Marso 11, nikompirmar nga nakadawat siya og suwat sa Ombudsman in the Visayas labot niini.

"I thank the Ombudsman Visayas for the quick and decisive action. This is significant because the Ombudsman may now use its subpoena powers to secure documents and obtain statements which we otherwise, as ordinary citizens, would have difficulty getting,” matod ni Garcia sa usa ka pamahayag.

Si Garcia nipasaka og kaso batok kang Osmeña,uban sa laing upat ka tinudlong mga opisyal ug tulo ka mga konsehal sa Dakbayan sa Toledo.

Kini human siya makadawat og mga kopya sa mga dokumento nga nagpakita sa kadudahang mga ngan ug mga pirma nga gigamit sa pagpagawas sa P210 milyunes sa Clean and Green funds alang lang sa katapusang unom ka mga buwan sa 2018.

Samtang, si Osmeña niawhag kang Deputy Ombudsman for the Visayas Paul Elmer Clemente ug anti-graft investigators sa pag-inhibit sa imbestigasyon. Si manlalaban Inocencio de la Cerna Jr. niingon nga sila si Garcia ug Clemente classmates sa University of the Philippines (UP) Law Class of 1993.

Si de la Cerna niingon nga angay resolbahon una sa Ombudsman ang ilang motion. (RTF sa Sunstar Cebu, REV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph