GIANUNSYO sa Army Reserve Command (Arescom) sa ilang Facebook account niadtong Lunes nga usa na ka army reservist ang aktor nga si Matteo Guidicelli.
Gidayeg sa maong armadong kusog sa Pilipinas si Matteo ug ang mga higala niini tungod sa ilang kaisog ug bayanihong katuyoan nga makaalagad sa nasud.
“Matteo Guidicelli, Ivan Carapeit and Luis Ruiz were enlisted as Private whose rank were donned by Major General Bernie Langub, ARESCOM Commander during the flagraising ceremony,” matod pa sa post.
“The new reservists will soon be taking trainings in order to prepare them in the event of natural disasters and national emergencies.”
Sa iyang Instagram post, matod ni Matteo nga gikalipay niya nga makaapil sa Army tungod kay mahal niya ang Pilipinas. Dugang pa niya: “Exciting times ahead.”