ANG Camotes Visayan Institute (CVI) Class of 1966, mopahigayon og usa ka class reunion karong umaabot Mayo 26, 2019. Gi-awhag ang tanang batchmates nga motambong sa talagsaong kalihokan.
Sugdan ang maong kalihokan pinaagi sa usa ka motorkada palibot sa Poro sa alas 8 sa buntag ug mohalos kini didto sa silingang lungsod sa Tudela dayon balik sa CVI campus diin adunay mubong programa.
Ang mga t-shirts nga isul-ob atol sa motorkada gikan pa sa Seattle ug libreng ihatag sa ilang class president nga si Rogelio Pono kinsa tua karon maminuyo sa Seattle, Washington.
Human sa motorkada, himoon dayon ang fellowship o salo-salo diin maghimamat ang mga sakop sa Batch ‘66.
Aron mas bongga ug “memorable” ang iyang adlaw’ng natawhan, misugyot si Poro nga himoon nga duha ka adlaw ang ilang reunion ug adto na kini himoon sa beach pagka sunod adlaw diin adunay himoong sing-along contest.
Kinsa kadtong gusto mosalmot sa maong kalihokan, maimong mahimong mokontak sa akong ig-agaw nga si Gabriel Malagar sa 517-93-53 (landline) o sa iyang mobile mobile phone numbers 0995-0823418.
Mihangyo si Poro nga unta mosayo pagpa-rehistro ang iyang ka-batchmates aron ma-ipah kung pila ka t-shirts ang iyang ipa-imprinta.
Iya sab ikalipay kung dunay mga batchmates nga moamot bisan gamay lang nga kantidad aron magmalamposon and ilang reunion nga pagahioon lang kausa sulod sa 10 ka tuig. (PR)