MOKABAT sa 553 ka mga pulis sa Rehiyon 12 ang na-promotar sa katungdanan, sumala sa report gikan sa Police Region 12 Office.
Ang PRO-12 nagtaho nga 23 ka mga pulis gikan sa managkabuwag nga yunit sama sa Criminal Investigation and Detection Group ug Aviation ang na-promotar sa puwesto.
Samtang sa laing bahin, ang kinatibuk-ang 65 ka mga police commissioned officer na-promotar usab sa puwesto.
Sumala sa report nga ang 20 ka mga pulis nga na-promotar nagagikan sa ranggo nga Senior Police Officer 4 ngadto sa pagka-police inspector.
Mikabat usab sa 22 ka mga Police Inspector ang nahimong Police Senior Inspector, samtang laing 20 ka mga Police Senior Inspector ang na- promotar isip Police Chief Inspector ug tulo ka Police Chief Inspector ang nahimong Police Superintendent.
Samtang 465 ka mga non-commissioned officer ang na-promotar sab sa puwesto.
Dugang sa maong gidaghanon mao ang 249 ka mga Police Officer 1 nga nahimong Police officer 2, ug 26 ka mga P02 ang mitaas ang ranggo ngadto na sa PO3, samtang 22 ka mga Police Officer 3 ang nahimong Senior Police Officer 1.
Mokabat usab ngadto sa 113 ka mga Senior Police Officer 1 ang nahimong Senior Police Officer 2, 49 ka Senior Police Officer 2 ang mitaas ang ranggo ngadto na sa Senior Police Officer 3 ug siyam ka Senior Police Officer 3 ang nahimong Senior Police Officer 4. (Edgardo Fuerzas)