Lonzon: Duna bay balaang pulitiko?

KADAGHANAN adto magsaulog ug igahin ang ilang panahon sa probinsya atol sa pagsaulog sa Simbahang Katoliko sa Balaang Semana (Holy Week)

Dungan sa panghinaot nga ana ang kalinaw ug way dugoong panghitabo. Apan ang kabalaka nga kini di kalikayan kay wa may hunong ang nahitabong patay.

Kon dunay ceasefire ang pulitiko ug di mahimong gamiton sa ilang pamulita ang Holy Week, wala May ceasefire ang mga kriminal.

Samtang lisod man tuod ilhon ug kon duna bay mga balaang pulitiko, apan aduna paman kanila angf mapili.

Duna koy mailhang mga pulitiko nga dunay pag sakripisyo ngadto sa mga tawo. Wa gani modawat ug sweldo ug ilang kaugalingong hinagoang napalit nga yuta gi-donate alang sa pagtukod ug eskuwelahan, prisuhan, police station ug uban pa.

Di man tingali ngil-ad ug paglaban sa politiko nga hingtungdan kon akong hinganlan ang pangan ni Mayor Aljun Diamante ug Bise Mayor Danny Diamante sa lungsod sa Tuburan, Cebu.

Ang akong ponto nga ilang gihimo makapanakod unta ngadto sa ubang mga pulitiko. Ug di lang unta sabton nga kini pamulitika.

Naa man koy mga kaila nga mga pulitiko. Kon duna may gihatag apan ang resources man sa gobyerno ang gigamit.

And uban kanila mangilog paman gani ug yuta gikan sa mga kabus. Kon wa man mangilog dunay bugti aron maangkon ang yuta nga ilang nagustuhan.

Ako kining gisuwat kay sa akong kadugayon sa media nga moabot na kapin 20 ka tuig karon pa ko nakasugat ug pulitiko sama sa mga Diamante.

Duna gani mga kalihukan sama sa kasal ipagamit ang kaugalingon sakyanan aron pasakyan sa mga mitambong sa kasal, bunyag, piyesta.

Samtang ang ubang pulitiko way kauwaw nga mopa gamit sa mga sakyanan sa gobyerno.

Dunay ma-ospital nagdag kuwarta ngadto sa pamilya sa pasyente aron tabangan gu wa pabayri.

Kon nahimo kini ni Diamante, kinsa man sa mga pulitiko nga makahimo sama niini human sa Holy Week?

Kabus man diay ang mga ginikanan sa pamilyang Diamante. Mamaton man lang diay ug mga hayop aron mapakaon ug makapaeskuwela sa ilang mga anak.

Mao gyud diay ni ang bintaha sa pulitiko nga nagikan sa kabus mga pamilya. kay kahibawong mohunahuna ngadto sa mga pobre kon mahimo na silang adunahan.

Kini unta ang himoong pamalandong ni lang sa mga pulitiko apil sa mga adunahang pamilya sa paghumok sa kasingkasing sa pagtabang sa mga pobre.

(Email: efrenlonzon71@gmail.com Text: 09235562777)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph