SECTIONS
Monday, August 26, 2019
SUPERBALITA CEBU

Garganera gikiha og cyberlibel

ANG Office of the City Prosecutors nihatag og 10 ka adlaw ni Konsehal Joel Garganera sa Cebu City sa pagtubag sa two counts nga cyberlibel nga gipasaka ni Mayor Tomas Osmeña ug Inayawan Barangay Kapitan Kirk Bryan Repollo.

Malaumon si Garganera nga mabasura ang maong kaso sanglit way igong basehan ang reklamo labot sa iyang Facebook post niadtong Marso 3 kabahin sa pagkasakmit P18 milyones nga kantidad sa shabu didto sa Inayawan.

“Naluoy ko sa kapitan nga usa ka abogado nga si Atty. Repollo nga nagpada siya sa iyang mayor pag-file sa cyberlibel.

Bisan kinsa pa-istoryahon bisan dili pa abogado moingon dili libelous ang akong gi-post. Those are facts and narratives, naluoy ko ug nawala na ang iyang pagka-abogado,” matod ni Garganera.

Ang Facebook post ni Garganera, kinsa chairman sa Police Advisory Council (PAC), nagkanayon:

“Last April 18,2018 we had a groundbreaking for our Cebu City Police Station 7 building in Inayawan.

“Unfortunately, the mayor stopped the said construction for reasons only him and the present barangay captain can explain.

“This morning, CCPO, station 7 and PDEA was (were) able to confiscate 18 kilos of shabu said to be worth P120+++ million in Fatima Homes Inayawan, Cebu City which is very near to the proposed police station,” matod sa post ni Garganera niadtong Marso 3.

Si Osmeña ug Repollo nangayo og P1 milyon nga moral damage sa matag count sa cyberlibel. Si Garganera nanawagan ngadto kang Repollo ug iyang gipikhan si Osmeña.

“Dili ka angay magpadektar sa imong mayor, abogado gud ka pasagdahi lang nang mayor bisan kon wala na siyay diploma naa man sab na siyay iyaha,” matod ni Garganera.

Gihagit ni Garganera ang duha ka complainant og pusta-anay ug iyang isugal ang P4 milyones nga gipangayong moral damages nga ma-dismiss ang kaso pabor kaniya.

Ang iya unyang daog ihatag sa konsehal ngadto sa mga batang libud suroy nga matod pa wala atimana sa City Hall. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph