IGSUON sa suspek sa nagpusil sa maestro sa lungsod sa Argao, gipusil-patay kagahapon sa udto sa Siyudad sa Carcar.

Kahinumdoman, usa ka Romeo Duran ang gipusil sulod sa iyang classroom sa Binlod Elementary School.

Ang kapulisan una nang nisikop ni Joel Alforque, ang drayber sa habalhabal nga gisakyan sa mga suspek, samtang gitumbok si Arnel Cabung-cal, taga barangay Poblacion-3 nga mao gyuy nagpusil sa biktima.

Apan kagahapon, pasado alas 11:00 sa udto sa sityo Dapdap, Barangay Poblacion-3, Carcar, usa ka Arcele Cabungcal, 25, giingong ex-convict ug manghod ni Arnel Cabungcal ang gipusil.

Duha ka wa mailhing lalake nga nagsakay og motorsiklo nga walay plate number ug nagtaptap sa ilang na-wong maoy nagpusil sa biktima.

Si Senior Supt. Erson Digal, pangulo sa Cebu Provincial Police Office, niingon nga iya nang gimandoan ang pangulo sa kapulisan sa Carcar nga palawman ang ilang imbestigasyon aron mailhan ug masikop ang mga responsabli.

Gisalikway ni Digal ang pagtuo nga vigilante o ba kaha pulis ang nipatay sa biktima.

Human sila makada-wat og taho nga ang biktima gusto untang mokuyog sa iyang maguwang pag-patay sa magtutudlo apan wa pakuyoga.

Mao kini hinungdan nga nagsige na kinig panabi sa iyang mga higala nga siya mismo ang mohatod sa igsuon sa kapulisan aron masikop.

“Posibleng giunay ni siya kay grupo man gud ni sila unya sige kuno nigyayaw,” asoy ni Digal sa Sun.Star Superbalita.(DRT)