SUPERBALITA CEBU

Kampanya mobalik sa Lunes

WAY ipahigayon nga pulong-pulong ug handshaking ang duha ka politikanhong grupo sa dakbayan sa Sugbo.

Ang Barug-PDP Laban ug Bando Osmeña Pundok Kauswagan pulos nihikling sa ilang kampanya aron paghatag og igong panahon alang sa pagtimaan sa Semana Santa.

Si Bise Mayor Edgardo Labella kinsa maoy standard bearer Barug niingon nga ilang gisuspenso ang ilang pagbisita sa katawhan para sa solemn nga pagpahigayon sa lenten season.

“Lunes nami mobalik sa kampanya kay sa pagkakaron mao ang panahon sa pagpamalandong ug pagpangamuyo ngadto sa labaw nga Makagagahom,” padayag ni Labella.

Gawas sa suspension sa kampanya, mo-ceasefire usab si Labella pagtubag sa mga akusasyon sa iyang kaatbang sa pulitika diha sa Facebook.

Sukad sa nakalabay nga mga semana, si Labella ug Mayor Tomas Osmeña sa BOPK nagsinukliay og mga komentaryo may labot sa hisgotanan sa politika.

Sila si konsehal Jerry Guardo ug Dave Tumulak nagkanayon nga wala say pagahimuon nga campaign sorties ang BOPK sanglit sama sa Barug, nakighiusa sab sila sa paghinumdom sa Semana Santa.

Way mga pulong-pulong ug handsaking nga pagahimuon ang BOPK ug matod pa sa duha ka konsehal, mobalik sila sa kampanya karong adlaw nga Lunes.

Samtang karong Biyernes Santo, ipasundayag ang ika-22 nga Buhing Kalbaryo didto sa Espina Village sa dalan B. Rodriguez sa alas 2 sa hapon nga pangulohan sa runningmate ni Labella nga si kanhi Mayor Michael Rama. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph