SECTIONS
Sunday, May 19, 2019
SUPERBALITA CEBU

Palicte-Ioka title fight, Hunyo 19

NAGPANIKAD ug gibatig kahinam ang Filipino fighter nga si Aston Palicte nga sa ikaduhang higayon, mosuway paglangkat sa iyang unang titulo.

Si Palicte (25-2-1, 21 KOs) kinsa mao karon ang no. 1 contender sa nabakanting World Boxing Organization (WBO) super flyweight title, makigsangka sa three-division world champion Kazuto Ioka (23-2, 13 KOs) alang sa world title fight karong Hunyo 19 didto at Osaka Orefectural Gym in Osaka, Japan.

Ang kasabutan sa Palicte-Ioka title fight nahingpit nila ni RJJ Boxing CEO/Co-Founder Keith Veltre, handler ni Palicte ug ni Taku Nagashima, ang international manager ni Ioka nga nagrepresentar sa TLAROCK Entertainment sa Japan.

Nalakip sa negusasyon ang UFC Fight Pass kinsa maoy modala sa live streaming sa tibuok kalibutan gawas sa Japan. Kini maoy unang world championship ubos sa Fight Pass.

Ang maong titulo nabakanti human kini buhii ni four-division world champion Donnie “Ahas” Nietes taliwala sa mando sa WBO nga makig-rematch ni Palicte alang sa kampiyonato.

Kon kahinumdoman, ang una nilang away sa niaging Septiyembre, nisangko sa kontrobersiyal nga panagtabla diin daghan ang nagtuo nga gidominar ni Nietes si Palicte.

Niadtong bisperas sa bag-ong tuig, nalangkat ni Nietes ang maong titulo human niya mapukan si Ioka pinaagi sa majority decision didto sa Macao, China nga maoy iyang ikaupat nga titulo sa managlahing division.

Sa sayong bahin usab ning tuiga, ang 28 anyos nga Palicte impresibo usab nga mi-knockout sa kanhi wa pay pildi nga si Jose “Chiquiro” Martinez sa Puerto Rico sa ilang eliminator.

Tungod niini, nakuha ni Palicte ang no. 1 rank ug maoy nahimong mandatory challenger ni Nietes. Apan sa pagbalibad ni Nietes ug pagbuhi sa titulo, si Ioka maoy ikabagat ni Palicte sa title fight.

Tinguha ni Nietes nga makaaway og mga dagkong pangalan sa iyang timbang sama kanila ni Juan Francisco Estrada, Roman Gonzales o Sor Rungvisai.

Giangkon ni Palicte nga dako siya og nakat-onan sa iyang pagpakig-away ni Nietes ug kini maoy iyang gamiton batok ni Ioka.

”I’m very excited for this second opportunity to fight for a world title. I and the whole team learned a lot from the last draw and made adjustments, which, I think, were very effective,” matod ni Palicte sa interview sa usa ka pahayagan didto sa Las Vegas.

Tinguha ni Palicte nga maoy unang world champion sa RJJ Boxing Gym nga gipanag-iya ni kanhi world champion Roy Jones. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!