SECTIONS
Monday, July 22, 2019
SUPERBALITA CEBU

OKC giusban sa Portland

0 VS 0: Puwersa nga miitsa si Oklahoma City Thunder guard Russell Westbrook, tuo, samtang misuway pagtapal kaniya si Portland Trail Blazers guard Damian Lillard, wala, atol sa Game 2 sa Western Conference first round playoffs sa NBA kagahapon. (AP)

MIPAKATAP og 33 puntos si CJ McCollum, 20 usab kang Damian Lillard sa dihang giusban sa Portland Trail Blazers pagpukan ang Oklahoma City Thunder, 114-94, sa Game Two sa ilang first round playoffs sa Western Conference playoffs sa NBA kagahapon.

Midugang si Maurice Harkless og 14 ug siyam ka rebounds alang as third-seeded Blazers kinsa nakaposte og 2-0 nga pagsugod sa series sa unang higayon sukad niadtong 2014 sa dihang ilang napukan ang Houston Rockets sud sa unom ka duwa.

Motapon ang series didto sa Oklahoma City alang as Game 3 karong Biyernes.

Si Russel Westbrook, kinsa anaa na sa iyang ikasiyam nga post season triple-double sa ilang kapildihan sa Game One, nalimitahan lang og 14 puntos, walo ka rebounds ug 11 ka assists.

Si Westbrook, kuyog sa ubang starters, gipalingkod na sa katapusang 3:31 segundos sa dihang mipabukad na ang Portland ngadto sa 112-91 nga nalabaw.

Si Paul George, bisan og dunay gipamati sa iyang abaga, mipuga og 27 puntos.

Sa laing playoff match, nakabawi si Kyle Lowry sa bati nga performance sa Game One ug nakighugpong kini kagahapon aron ihatod ang Toronto Raptors ngadto sa 111-82 nga kadaugan batok sa Orlando Magic aron tablahon ang series, 1-1.

Si Leonard mipuga og 37 puntos nga gidugangan og 22 si Lowry aron tablahon ang ila usab nga series sa Eastern Conference, 1-1.

Maayo usab nga nakaayuda sila si Pascal Siakam nga may 19 puntos ug 10 ka rebounds kinsa yanong nakaposte og 34 puntos nga labaw ug wala gyud kini mahudlat pa.

Ang Game Three motapon sa Orlando karong Biyernes sa gabii (Sabado sa Pilipinas).

“He did a great job of bouncing back,” paghulagway ni Leonard ni Lowry. “He’s a pro. That’s what pros do, they know it’s just one game and they come in the next game ready to play.”

Sa Game One, si Lowry kinsa nasipyat og pito ka attempts sa field goal, ning higayona mipasulod og walo sa 13 ka itsa ug may pito ka assists.

Samtang mipahagsa og dakong rally ang Denver Nuggets sa fourth quarter aron bawsan usab ang San Antonio Spurs, 114-109, sa Western Conference first round playoffs.

Daw og anaa na unta sa dalan paingon sa ilang ikaduhang kadaugan ang Spurs apan si Jamal Murray miduslit sa katapusang rally nga maoy naghatod sa Nuggets ngadto sa ilang kadaugan nga nagtabla usab sa ilang series, 1-1.

“It was really dry,” ingon ni Murray kinsa wa gyud mangigo sulod sa tulo ka kwarters apan mipaulbo og 21 puntos sa fourth quarter.

“Everybody told me to stick with it,” saysay ni Murray. “I don’t think I scored a field goal until the fourth. I just stuck with it. They all believed in me.” (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph