SAMTANG ang mga kadagkuan sa Simbahang Katoliko nag-awhag sa mga sumosunod nga magtamud sa mga tradisyon sa simbahan sa pagbalaan sa mga adlaw ning Semana Santa, sama na lang sa pagpuasa og dili pagkaon og karne apan ang mga lomolopyo didto sa Bantayan Island nga sakop sa lalawigan sa Sugbo, gitugutan man nga makakaon og karne. Ang usa sa mabulukon nga pag-obserbar sa semana santa nga maoy kasagaran dugukan sa mga lokal og langiyaw’ng turista mao ang Isla sa Bantayan.
Ang Bantayan Island gilangkuban sa tulo ka mga lungsod nga mao ang Bantayan, Madridijos og Santa Fe. Adunay kini daghang mga gagmay’ng isla o mga islets nga nindot kaayong suyuran sa mga turista. Kini gawas sa mga maanindot kaayo nga mga beach resorts. Ang Holy Week dili pista sa Bantayan town apan morag pista ang selebrasyon didto. Kumbira gyud. Hunyo ang pista sa maong isla isip halad sa ilang patron nga si St. Peter and Paul. Karong Holy Week magbaha ang mga lechon sa maong lugar. Apan dili lang mga Katoliko ang daghan sa maong lugar. Daghan usab ang mga sakop sa Iglesia Filipina Independiente o Aglipayan church nga susama ra usab og tinuhuan sa mga Katoliko diin motuo gihapon sila og mga santos labi pa kadtong mga karaang santos.
Apan nganong gitugutan man sila nga mokaon og karne ning panahon sa semana santa? Niadtong 1840, si Pope Leo X11 maoy mihatag og special dispensation ngadto sa parokya sa Bantayan town nga makakaon sila og karne ning holy week. Kini gumikan usab sa awhag sa katawhan gumikan kay talagsa ra sila
Makakaon og karne. Panagat mao kasagaran panginabuhi sa mga lumolupyo sa maong isla hinungdan nga abunda sila sa produktong dagat. So, kada adlaw silang nagkaon og isda.
Gawas sa seafoods, nabaniog usab ang Bantayan isip usa ka egg capital dinhi sa Visayas. Atoa didto ang daghang mga poultry nga maoy tinubdan sa itlog. Ang isla maoy nag-supply sa panginahanglan sa itlog dinhi sa Visayas. Ang mga karaang mga pamilya sa maong isla maoy mo-sponsor sa prosisyon matag Biyernes Santo.