NALIT-AG sa kamot sa otoridad ang usa ka 59-anyos nga si alyas Mommy atol sa gipahigayong buy-bust operation Lunes sa hapon, Abril 15 didto sa Purok 2, Barangay 76-A Bucana, Dakbayan sa Davao.
Nasikop si alyas Mommy human mibaligya og usa ka pakete sa gituohang shabu ngadto sa usa ka sakop sa otoridad nga nagtakuban.
Nakuha usab sa posisyon sa dinakpan ang lain pang pakete sa shabu ug ang marked money nga P500.
Sumala sa kapulisan dugay na nilang gimonitor ang kalihukan sa suspek, hangtud ila kining nadakpan.
Ang suspek ang giingong usa sa mga supplier sa iligal nga druga sa dapit diin ubay-ubay usab ang mga parokyano niini.
Priso karon ang dinakpan sa Sta. Ana Police Station, samtang ginahikay na ang kaso nga ipasaka batok kaniya didto sa korte.