Pulis gi-ambush samdan

CEBU. Mga basiyo sa mga bala nga nakuha sa crime scene. (Gregy Magdadaro)
CEBU. Mga basiyo sa mga bala nga nakuha sa crime scene. (Gregy Magdadaro)

PULIS nga nadestino sa Police Regional Office- Central Visayas gibanhigan sa wa mailhing mga mamumuno sa Sitio Pajo, Barangay Poblacion, lungsod sa Samboan, alas 7:45 Biyernes Santo sa gabii, Abril 19.

Giila ang biktima nga si Police Master Sergeant (PMSG) Roy Ryan Cavalida gikan nanghawok sa simbahan uban ang iyang mga kabanay dihang nahitabo ang ambush.

Si Cavalida nakaangkon og samad pinusilan sa paa ug tiyan.

Ang iyang igsuon nga si Nanette Cavalida Deiparine naigo usab sa sampot atol sa pagpamanhig.

Si Cavalida ug igsuon niini daling gidala sa pinakaduol nga tambalanan.

Padayon pa ang pakisusi sa kapulisan sa Samboan sa motibo sa pagpamusil.

Gi angkon ni Police Lieutenant Colonel Arnel Banzon, ang hepe sa Regional Operation and Plans Division - Central Visayas nga iyang sakop si PMSG Cavalida.

Siya ang tig dawat sa mga reports sa mga insidente sa mga police stations nga iyang iduso ngadto aa kampo Crame.

Natingala si Banzon nganong gibanhigan ang iyang personnel nga wala man siya maka dawat og report nga nalambigit kini sa illegal nga kalihukan.

"Siya na ang tig dawat sa reports sa lower units ug mo send sa camp Crame, natingala bitaw ko gabii ngano na," matod ni Banzon.

Nagduda ang pulis opisyal nga personal ang motibo sa pagpamusil nga gisubay pa karon sa kapulisan sa lungsod sa Samboan.

Ang mga tawo sa dapit nahitaboan mibutyag nga mga lalakeng luwan sa duha ka dagkong mga motorsiklo ang ningbanhig kang Cavalida dihang padung na sila mo-park sa ilang giluwanan nga sakyanan.

Moabot sa 18 ka empty shell sa M16 Armalite rifle ug upat sa 9MM ug usa ka magazine nga adunay buhing bala sa kalibre .45 nga armas de fuego ang narekober sa kapulisan sa crime scene.

Gitino pa sa kapulisan kon pila kabuok ang nang-ambush base sa duha ka mga kalibre sa bala sa armas ug sa magazine sa armas nga na-recover.

Si Police Colonel Manuel Abrugena, ang hepe sa Cebu Provincial Police Office, mimando sa Samboan police station nga makig hinabi sa pamilya ni PMSG Cavalida aron mo kuhag mga impormasyon nga maka tabang sa ilang imbestigasyon.

"Wala pa, we are still coordinating sa family kung ano ang pwede maging motive behind the incident," matud ni Abrugena.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph