Wala pay anggulo sa kamatayon ni Franz: Pulis

(SunStar file photo)
(SunStar file photo)

BLANGKO pa ang mga imbestigador sa Quezon City Police District (QCPD) sa pag pusil patay kang self-confessed drug lord Franz Sabalones niadtong Huwebes Santo sa tungang gabii sa dihang padung na unta kini mosulod sa usa ka bilyaran sa Borromeo corner Mother Ignacia St., Barangay South Triangle, siyudad sa Quezon.

Matod ni Police Major Elmer Monsalve, hepe sa Criminal Investigation Detective Unit sa QCPD, nga kasamtangan nga nagkuha pa silag mga ebedensya sama sa mga Close Circuit Television (CCTV) footage sa lugar.

Sigon ni Monsalve nga tungod sa kataas sa bakasyon, wala pay nangabli nga mga establisamento nga mahimo unta nila nga masusi ang mga CCTV camera.

Gipakuhaan na usab ug pamahayag ang mga kauban ni Sabalones nga silang Michael Noel Diaz ug Jonathan Peter Tiu nga giingong didto misakay ang biktima.

Ang hepe sa kapulisan sa probinsya sa Sugbo, Police Colonel Manuel Abrugena, makig alayon pa sa QCPD kung si Sabalones ba gyud ang namatay.

Wala pa usab kini mo komento sa pangutana kung aduna bay epekto sa supply sa illegal nga drugas ang kamatayon ni Sabalones human makadawat silag report nga mibalik na usab kini sa illegal drug trade sa Sugbo.

“We are still verifying if the reported victim in a shooting incident in Manila si Franz Sabalones. We shall be coordinating with our counterparts in Manila to confirm if the victim is Mr. Sabalones,” sigon ni Abrugena.

Ang nagpailang ig-agaw ni Sabalones nga si Joselito Cabilao ang mi-claim na sa patayng lawas niini niadtong Huwebes Santo sa alas 11:45 sa buntag.

Miangkon sad si Cabilao nga ang namatay mao gyud ang inilang drug lord sa Sugbo.

Wala pa usab mo luwat og pamahayag si Police Brigadier General Debold Sinas sa dihang gikuhaan sa iyang habig. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph