Lue, James magkakuyog og balik?

POSIBLING magkakuyog og balik si LeBron James ug ang iyang kanhi coach sa Cleveland Cavaliers nga si Tyronn Lue sa sunod season.

Kini human nga ang General Manager sa Los Angeles Lakers nga si Rob Pelinka nakighimamat na ni Lue kinsa gikonsiderar nga maoy mopuli sa bag-o lang gitaktak nilang headcoach nga si Luke Walton.

Kon kahinumdoman, si Lue maoy nag-coach ni James ug sa Cavaliers nga miabot sa finals og tulo ka sunodsunod nga higayon gikan sa 2016 ngadto sa 2018. Apan girelibohan kini sa iyang puwesto, pipila ka duwa sa pagsugod sa 2018-19 NBA season.

Gawas kang Lue, gihimamat usab ni Pelinka ang assistant coach sa Philadelphia nga si Monty Williams.

Matod pa ang duha himamaton og usab ni Pelinka. Ang Lakers mitali og 37-45 sa 2019 seasn nga maoy nagputol sa 14 ka sunodsunod nga tuig ni James nga perming makasulod sa playoffs. JBM

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph