SECTIONS
Saturday, May 25, 2019
SUPERBALITA CEBU

Casimero vs. Espinosa

DILI palabyon ni kanhi two-division world titlist Johnriel Casimero ang laing kahigayonan nga makampiyon siya og balik sa dihang iyang ikasangka karong adlawa ang Mexican warrior nga si Ricardo Espinoza karong adlawa.

Anaa karon sa alimpatakan ni Casimero mao ang pag-knockout ni Espinoza sulod sa pipila lang ka round.

“O dako ug chance ug mao na ang plan gyud namo na amo e knock out para wala decision. Dili lang gyud sya pa dikit. Sa nakita nako ang kuntra naay kusog pero kaya ni casimero sa abilidad,” matod ni Rodel Mayol, kanhi world champion nga karon atoa na sa US magbasehan isip trainer, sa dihang gikahinabi sa Sun.Star Cebu.

Ang 30-anyos nga Casimero makigsinukliay og kinumo batok ni Espinoza alang sa interim World Boxing Organization (WBO) bantamweight title didto sa Dignity Health Sports Park sa Carson, California.

Si Mayol maoy magsilbing head coach ni Casimero ning awaya human ang orihinal nga trainer niini nga si Jhun Agrabio wala makakuyog tungod sa problema sa US visa.

Niadtong 2017, si Casimero napakyas nga makakuha og katungod nga makaaway og balik alang sa world title human kini mapildi ni Jonas Sultan sa ilang eliminator fight.

Apan sa iyang uwahing away niadtong Pebrero 16didto sa SM Skydome sa Quezon City, iyang gikastigo ang promising fighter sa Japan nga si Kenya Yamashita aron angkunon ang 6th round technical knockout nga kadauga.

Nagtuo si Mayo nga ang ka beterano ni Casimero maoy naghatag kaniya og bintaha batok sa 21 anyos nga Espinoza. Hinuon dili angay kakompiyansaan ang Mexican fighter tungod kay taas kini og ranking sa managlahing world boxing bodies.

Sa record nga 23-2, 20 knockouts, si Espinoza maoy no. 1 sa WBO, No. 7 sa International Boxing Federation (IBF) ug No. 12 sa World Boxing Council.

Sukad sa iyang kapildihan niadtong 2017 diin siya na knockout sulod sa duha ka round, si Espinoza mikutlo og 13 ka sunodsunod nga daog.

Iyang gipaundang ang kanhi world title challenger nga si Ricardo Nunez niadtong Marso 1.

Si Casimero (26-4, 17 KOs) mitimbang og 116.8 pounds, samtang ang mastaas nga si Espinoza adunay 117.8 pounds.

Kon modaog kini maoy ikatulo nga division title ni Casimero ug malakip na unya usab siyia sa mamahimong challenger sa WBO bantamweight belt nga sa kasamtangan gihuptan ni Zolani Tete. EKA, JBM


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!