NIABOT na sa 45 ka mga tawo ang nasikop sa kapulisan sa Dakbayan sa Mandaue sa ilang sa Synchronized Enhanced Managing Police Operation (SEMPO) sukad niadtong Miyerkules sa gabii, Abril 17, hangtod na Sabado sa alas 12 sa udto, Abril 20.
Sa mga nasikop, 14 niini tungod sa ilegal nga drugas.
Walo ang nasikop sa checkpoint ug unom sa buy bust operation.
Sa buy bust, upat sa mga nasikop ang anaa sa drug watchlist hinuon mga street pusher pa lang, samtang ang duha giila nga newly identified drug player.
Nakasikop usab ang mga pulis og 26 ka mga tawo tungod sa illegal gambling.
Usa ang nakuhaan og mahait nga hinagiban kun kalapasan sa Commission on Elections (Comelec) gun ban.
Unom usab ka wanted persons ang nasikop, diin duha niini ang station level. FMD