SECTIONS
Thursday, June 27, 2019
SUPERBALITA CEBU

Vallena: Huna-huna ra

Pedal

KARONG panahuna, daghan na og kapilian kon ganahan ka magbiseklita. Bisan sa mountain biking, ang wheel sizes managlahi na. Kaniadto, sa akong pagsugod, 26 ra ang sikat. Apan karon, nisulod na ang 27.5 inch ug 29-inch wheel sizes. Mga usa ka tuig na kapin, nipalit ko og 29 nga wheel size.

Niadtong 2012, usa nako ka higala nga negusyante nga si Clark Jueco nipalit og fat bike nga wa pa mauso dinhi sa nasod. Wa pa gani ko makakita kaniadto og fat bike sa YKK bikeshop sa may dan Legaspi, ang akong amigo nagsige na og sikad sa iyang biseklita.

By the way, ang wa makaila og fat bike apan nakakita na niini, mao na ang biseklita nga ang ligid mas lapad pa kay sa motorsiklo. Daghan na karon ang nagdagan dinhi sa Cebu ug daghang mga grupo nga akong nakit-an nga mag night ride sa Busay.

Ang akong higala nga si Sr. Inspector Delfin Bontuyan nakapalit og fat bike. Maoy iyang gisakyan sa amoang pagbisita sa lubong sa among suod nga higala sa Liloan.

Ambot niuso man sab na dinhi, nga unta, ang fat bike gigama man unta ni sa bugnaw nga mga lugar nga dunay snow, diin sagad dangog ang agianan sa trail. Naa say uban ani nga dunay electric nga makina nga moabag sa nagsakay sa pagsaka kon gikinahanglan.

Samtang sa gears, nagkataas na sab ni. Sa akong pagsugod, nine-speed pa ang uso, apan karon nauso ang 12 ka gears ug coming na sab ang 13 ka gears. Basin moabot sab ang 33-inch wheel size.

COMMERCIAL

Alang nako, kining tanan tipik ra ni sa negusyo tungod kay, sdama ra ang lingaw sa pagsikad. Way nausab. Hinuon, magkadako ang ligid, mas stable ug mas safer ang pagdulhog, labina kon lapad ang ligid. Apan sa sinakahay, mas bug-at ang dakong ligid hinungdan nga sagad ini, usa ra ang crankset. Akoang ring dunay 30 ka mga ngipon.

Although mosabay ka sa uso, labina sagad sa akong mga higala naa sa 27.5 ug 29, maayo ra sab ni. Ingon sa lain nakong higala, di na ka ganahan mobalik sa 26-inch wheel size. Ambot kaha kay mosikad ra man gihapon ko sa akoang daan nga mountain bike.

PSYCHOLOGICAL

Alang nako, kining tanan psychological ra gyud. Sagad sa reviews gigama aron matisok sa huna-huna sa mga konsumidor nga mas nindot kini, mas maayo ni. Mao na nga kadaghanan madala sa bandwagon. Bisan tuod mipalit ko og 29er nga biseklita, wa ni magpasabot nga wa nay ayo ang 26-inch wheel nga MTB.

Naa ra gyud na nimo kon unsay imong ikalipay. Mao ra nang biseklitaha. Ang importante, naka exercise, nakahanggap og preskong hangin ug nakahimamat ka og bag-ong mga higala. Di ba?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph