SECTIONS
Wednesday, June 26, 2019
SUPERBALITA CEBU

Daclan: Mga balaanong salidang Binisaya

DAGHAN kong nakita ug nasundan nga mga salida ug programa nga haom sa Semana Santa. Lakip na ang mga salida nga bisaya sa CCTN Channel 47, diin ang mga sugilanon may mga igong pagtulon-an, nga atong nanuntan.

Sama sa “Balaanong Misyon sa Gugma ug Kalooy” (The Tita Nholy story) nga gibitoonan nilang Dan Lopez, Veronica Solis, Boy Patalinghug, James Robert, Bran Lloyd Caballes ug Mia Gempisao.

Sa direksyon ni Tess Diez, simulation ni Debbie Sta. Cruz, cinematography Dave Samaco, crew Richard Lisondra, editor Shirley Sayago, production asst. Perla Valencia ug gi-produce sa Missionaries of the Sacred Heart of Jesus.

May lain pang Lenten special gihapon ang “Kon andam na” nga gisuwat ni Andro Banate ug sa direksyon sa akong friendship Star Lormil Cabrera De Gracia ug Em Acero Daculan. Congratulations ninyo kay sobra kanindot ang inyong gipakita dili lang sa istorya lakip na sa pag-arti sa tanang mga artista.

Kon may replay sa maong mga programa gidapit ko kamong tanan sa pagtan-aw og usab niini. ay’g saba!

Dugay na usab nga wala nato makita ang “Kimxi” loveteam. Mao nga pwerting lipaya sa mga fans sa duha nga magbalik-tambalan sa usa ka teleserye ang reel ug real loveteam nga Kim Chiu ug Xian Lim.

Ihatud kanato sa Dreamscape production silang Kim Chiu ug Xian Lim kauban pa si Erich Gonzales sa teleserye nga “Love Thy Woman”.

Naa sad dinhi si Tim Yap nga malipayong nidawat sa iyang unang akting sa teleserye.

Si Tim Yap ang usa sa mga original nga host sa kanhi showbiz-oriented show niadto nga “The Buzz” ug karon excited kini nga magbalik-Kapamilya.

Gawas kang Tim Yap, makauban nilang Kim, Xian ug Erich silang Christopher de Leon, Eula Valdez, Zsa Zsa Padilla, Sunshine Cruz, Jennifer Sevilla ug uban pa.

Kinabuhi sa mga Chinoy ang istorya, mahitungod sa gugma, kadato ug mga iskandalo. “Love Thy Woman” manuntan sa telebisyon mapa-gold man o sa primetime bida, ay’g saba!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph