SECTIONS
Monday, May 20, 2019
SUPERBALITA CEBU

Nalzaro: Happy Easter Sunday

Saksi



HUMANA ang pamalandong o ba kaha ang bakasyon. Human sa tulo ka adlaw nga atong pag-obserbar sa pagpasakit ug pagkamatay ni Hesu Kristo aron pagtubos sa atong mga sala, karong adlawa atong itimaan ang adlaw sa iyang pagkabanhaw. Ug kay pagkabanhaw man lagi, mao nga ato kining i-saulog sa malipayon o hudyaka nga pamaagi. Daghan ang mga parokya nga nagpahigayon sa ilang tinuig nga kalihukan sa ‘Sugat sa Pagkabanhaw’.

Gigastuhan kini sa simbahan aron mapahigayon ang mabulukon nga ‘stage drama’ sa Sugat. Sama diha sa lungsod sa Minglanilla ingon man parokya sa San Nicolas ug Guadalupe ning dakbayan nga nabaniog pag-ayo ug maoy kasagaran nga dugukan sa katawhan. Gawas sa Sugat kaganihang kadlawon, ang Minglanilla mopahigayon usab sa ilang tinuig nga ‘Kabanhawan Festival’, Kini streetdancing Ug cultural presentation mga ubos sa usab sa pagpasi-ugda sa lokal nga kagamhanan. Ipahigayon kini karong hapon sa main highway sa Lungsod. Busa makapa-abot kita og heavy traffic gumikan ning maong kalihukan. Kadtong gikan sa south, sayo-sayo mog balik sa siyudad.

Human sa sugat kaganiha, kadaghan sa atong nga kaigsoonan adto mag-ambahan sa mga beach resorts o dagat aron mangaligo. Siguro puno karon ang Private ug public beach resorts. Lain usab kini nga kalihukan nga gitamud sa atong kaigsoonan ning pagsa-ulog sa Easter Sunday. Mora ron og pista ni San Juan Bautista.

Sa paglingaw sa kabataan, ang shopping malls nga sirado niadtong Mahal nga Adlaw, mo-bukas na usab ug magahigayon og pakulo sama sa ‘Easter egg hunt’ o bisan unsang promotional gimmick aron lang sa paglingaw sa ilang mga shoppers. Kay daghan man gihapon ang moadto sa mga malls aron magpahayahay o magpabugnaw labi pa kay puwerting inita sa panahon.

Ang uban mao pay pagbalik gikan sa bakasyon. Sa wala pa ang mahal nga adlaw, nagpahimangno ang kadagkuan sa Simbahang Katoliko nga ang Holy Week dili panahon sa bakasyon kon dili panahon sa pagpamalandong. Naminaw kaha ang kadaghanan niadtong maong pahinumdum? Paminaw nako, namakasyon man ang kadaghanan kay taas ang holidays. Happy Easter Sunday sa tanan. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!