Akyat-bahay mogara karon kay mga tagbalay nag-dagat

GIKONSIDERA nga karon makahigayon ang mga kawatan nga mosulod sa mga balay gumikan sagad sa mga tagbalay nangaligo og dagat ning sa Adlaw sa Pagkabanhaw.

Kini ang gibutyag ni Davao City Police Office (DCPO) spokesperson Ma. Theresita Plaza-Gaspan kinsa nagpahimangno nga mas maayong naay mabilin sa panimalay.

“Mas maayong naay bisan usa nga mabilin kay sagad karon mosalakay ang mga akyat-bahay, pero kung walay mabilin, kinahanglan, sirado kini pag-ayo aron di makawatan,” ingon ni Police Senior Inspector Gaspan.

Tungod niini, ang kapulisan walay hunong sa ilang pag-patrolya labi na sa mga mingaw nga mga residential area.

Gawas niini, anaa sab ang kapulisan sa mga beach resorts sa pagbantay sa katawhan nga nagpunsisok nga nangaligo og dagat ug sa mga swimming pool.

“Naa pod atong kapulisan sa mga resorts, kay basin unya dunay mga magmaoy, basta mangahubog na, ang pipila di na gayud mapugngan,” dugang ni Gaspan.

Sa kinatibuk-an, malinawon ang pag-obserba sa Semana Santa sa Davao City subay sa inisyal nga assessment sa DCPO. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph