SECTIONS
Thursday, June 27, 2019
SUPERBALITA CAGAYAN DE ORO

50 ka lumad, magtiayon nga NPA misurender

Lakip kining mga batan-an sa 50 ka mga Indigenous People nga mibalik sa sabakan sa gobyerno. (Hulagway gikan sa 4ID-PA)

MOKABAT sa 50 ka mga Indigenous People’s (IPs) nga giingong kanhi miyembro ug supporters sa Communist New People’s Army Terrorists (CNTs) ang mibalik sa sabakan sa gobyerno.

Mitahan sila pinaagi sa 3rd Special Forces Battalion, Philippine Army sa Barangay Poblacion, Sibagat, Agusan del Sur niadtong Miyerkules Santo, April 18.

Sila gilangkuban sa unom ka mga NPA, 14 ka Militia ng Bayan ug 30 ka mga mass supporters gikan sa Sitio Kahayag, Barangay Banag-banag ug Sitio Bantolinao, Barangay Padiay sa maong munisipyo.

Bitbit nila ang usa ka M653 rifle, usa ka kalibre 22 rifle, unom ka 12 gauge homemade shotguns, duha ka kalibre 38 pistols ug usa ka fragmentation grenade.

“I am so tired and hungry. I don't want to participate in the atrocities anymore and stop living like this. I know that staying in the mountains as a member of the NPA will not give me a better future,” matud ni Alyas Alex kinsa team leader sa Guerrilla Front 21.

Samtang usa gihapon ka alyas Joy ang misurender ngadto sa 3rd Special Forces “Arrowhead” Battalion didto sa Surigao del Sur.

Si alyas Joy nga nagpangidaron og 18 anyos ang usa ka aktibong medic sa Platoon 1, Guerilla Front 14, Northeastern Mindanao Regional Committee (NEMRC) kon asa bitbit niini ang iyang usa ka kalibre 30 MI Carbine Rifle, usa ka shotgun ug mga medical supplies.

Matud niini nga nisurender kini human nga naaresto ang iyang uyab nga si Robert Tejero Calipay Alyas Satur/Arpak, commander sa Platoon 2, GF14 niadtong April 14, pinaagi sa tropa sa 75th Infantry Battalion.

“After my boyfriend’s arrest, I realized that I am fighting for a useless cause. I want to live a peaceful and normal life with him without hiding in the mountains,” matud ni Joy kinsa aminado 16 anyos pa dihang narecruit sa walhong grupo.

Samtang usa ka team leader sa NPA uban ang iyang asawa ang misurender bag-ohay lang sa 8th Infantry “Dependable” Battalion, 4th Infantry “Diamond” Division sa Barangay Poblacion, Impasug-ong, Bukidnon.

Giilang sila si alyas Jeffrey, 22, team leader sa Squad 2, Platoon 2, RSDG COMPAQ, North Central Mindanao Regional Command (NCMRC) ug iyang asawa nga mao si alyas Maymay, 27, medical ug kanhi supply officer sa maong platoon ug mga residente sa Barangay Palabucan, Libona, Bukidnon ang boluntaryong mitahan human sa pagpaningkamot sa lokal nga kagamhanan.

“We were just looking for a chance to surrender because we want to live a peaceful life and create a family away from the armed struggle. We realized that fighting against the government will bring no peace but to our graves,” matud ni alyas Jeffrey.

Ang mga surrenderees ang pulos benipisaryo sa programa sa gobyerno nga mao kining Enhanced Comprehensive Local Integration Program (E-clip) diin sila makadawat og financial assistance nga dili molapas sa P65,000 ug makadawat sab sila ug balay gikan sa National Housing Authority (NHA).

Unang gireport nga aduna nay moabot 713 ka mga mga surrenderees sugod sa bulan sa Enero.

“The influx of surrenderees is a clear manifestation that the CNTs have disintegrated,” kini ang pahayag ni Major General Franco Nemesio M. Gacal, commander sa 4ID kinsa miawhag pa sa mga walhong grupo nga manurender na.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph