“’PAG nasa MisOr ka, protektado ka."
Kini ang gibutyag ni Police Colonel Rolando Destura ang provincial director sa Misamis Oriental Provincial Police Office (Moppo) human giawhag niini ang katawhan nga bisitahon ang probinsya sa Misamis Oriental labina karong summer.
Gibutyag niini nga adunay 25 ka police assistance desk sa nagkalainlaing lungsod sa probinsya kon asa ang kapulisan mo-abag sa mga turista nga mahidangat sa probinsya.
Adunay 18 ka mga bus stop, duha ka seaports ug usa ka airports nga adunay mga nakabantay nga pilis.
Nakamonitor sab ang 107 ka mga beach resort sa lalawigan lakip ang tourist destination. Samtang duna sab mga patrol cars nga 24 oras na nakaalerto sa kadalanan.
Matud ni Destura nga luwas ug malinawon nga suroyan ang probinsya hinungdan iyang giawhag ang katawhan ug mga bisita nga mosuroy sa lalawigan.
“We encouraged tourist and guest to visit our tourist spots, beach and resort province wide marami po tayong pwedeng puntahan. Napakaganda po ng Misamis Oriental,” pag-aghat ni Destura.
Pahimangno lamang niini nga adunay checkpoint ang entry ug exit point sa probinsya ug tungod sab kay martial law ug election gun ban.
“While mosulod mo sa Misamis Oriental, bawal man gyod modala og mga hinagiban bladed and deadly weapon, alisin nalang natin yan sa katawan natin dahil pag nahuli iyan will delay your travel kung saan kayo papunta,” pahimangno niini.