PATAY ang usa ka trabahante sa peryahan human gidunggab sa giingong grupo sa True Brotherhood (TBH) niadtong Miyerkules sa gabii, Abril 17 diha sa Barangay Tablon, Siyudad sa Cagayan de Oro.
Lima ka mga lalaki ang nagtabang ni Marion Navarro, residente sa Tarlac City, Manila.
Gibutyag ni Police Captain Allan Cairel nga ipasaka na ang kaso nga murder karong adlawa, Lunes, Abril 22, batok sa mga responsable.
Giingong gibato ang peryahan hinungdan nga nigawas si Navarro apan natigayon ang komosiyon diin napalgan na lamang nga naligo na sa kaugalingong dugo ang biktima hinungdan sa hinanaling kamatayon niini. Gisulayan pa kini sa pagdala sa ospital apan walay swerteng nakabsan sa kinabuhi tungod sa tulo ka mga samad sa dughan.
Dali usab nga nasikop ang mga suspek kinsa kasamtangang nagtingkagol sa mini-cell sa Police Station 10 Cugman aron sa pag-atubang sa tukmang kaso.