Gun runner patay sa entrapment operation

PATAY ang usa ka gituohang gun runner human nga namusil sa kapulisan atol sa entrapment operation niadtong Abril 17 alas 5:50 sa hapon sa Tomas Saco-15th Street, Barangay Macasandig, Siyudad sa Cagayan de Oro.

Sumala sa taho nga nalambigit usab sa ilegal nga druga, pagpanglabni ug pagpangawat si Jerome Paasa alyas Jerome Agcang, 35, ulitawo, taga Zone 1, El Salvador City, Misamis Oriental kinsa usa usab ka sakop sa Batang Mindanao (BM) 29.

Giingong naila usab si Paasa nga tigpanguha og armas sa mga sekyu nga nakatulog samtang nag-duty.

Sa nahipos nga impormasiyon giingong unang namusil si Paasa sa nga sakop sa Crime Against Person and Property Desk (CAPPD) ug City Intelligence Unit (CIU) atol sa gipahigayong operasyon diin kini nakapabuto sa makaduha ka higayon hinungdan sa pagbalos sa kapulisan.

Napalitan si Paasa og kalibre .38 sa wala pa nakamatikod nga mga pulis ang katransaksyon.

Tulo ka mga samad pinusilan ang naangkon ni Paasa hinungdan sa iyang kamatayon.

Gidala pa kini sa J.R Borja General Hospital apan gideklara nga dead on arrival.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph