DEAR Heartline,
Good day nimo ug sa tanan nga tigbasa dinhi.
Ako si Wella, 28 years old. Naa koy uyab karon, pero dili man ganahan akong family kay lagi biyudo.
Pero dili pa man hinuon siya tiguwang, 45 lang si Arthur ug may 10-years old nga anak na babae.
Okay kaayo siya, pati iyang pamilya, kana lang, maglisud gyud kog explain sa akong parents about sa among duha.
Unsaon ko man ni oi? Galibog na gyud ko.
Wella
***
Hi Wella,
It's normal nga parents will act that way. Pero ayaw i-negative sa pagdawat.
Inay malukmay o maluya ka sa ilang pagbabag, mas maayo gani nga madasig mo'g maayo ug ipakita ninyong seryoso gyud mo sa inyong relasyon.
Pabisitaha ang imong uyab sa inyong balay aron sab mahimamat niya ang imong pamilya. Sa ingon ana nga pamaagi magkailhanay gyud sila og maayo.
Make it a point too nga open mo sa inyong relasyon sa inyong tagsa-tagsa ka pamilya. Dili pud magpa-as if, honest to goodness gyud ba.
Basta ba makita sa imong family ug mabati gyud nila nga good ang intention anang tawhana kanimo, for sure, malukmay rana sila ug suportahan ang inyong pagminahalay.
Good luck!
Heartline