SECTIONS
Monday, May 20, 2019
SUPERBALITA DAVAO

Genoguin: Balik kampanya na

Kontra Balanse

DUHA ka adlaw lang ang gitugot sa Commission on Elections (Comelec) nga wala’y kampanya agi'g pagrespeto sa pagtulun-an sa relihiyong Romano Katoliko nga kini mao ang Huwebes Santo ug Biyernes Santo.

Sagad sa mga tawo nianang adlawa toa sa mga simbahan, pero dili gyud kalikayan nga dunay mga politiko nga musulod og simbahan, magdala sa ilang hand bills ug pagkatapos sa Misa, didto sa gawas ilang ipangtunol ngadto sa mga tawo ang ilang mga dalang papel.

Dili ko puwede nga maghingalan, pero kining mga politikoha, sagad kanila kadtong mga walay resources intawon nga dili maka-arkila og mga sakyanan, ug pagsuhol og mga tawo para sa ilang kampanya; dili nalang pod nato ni daginuton nga ipaabot pa sa Comelec kay luoy pod kaayo.

Karon balik kampanya na, aduna nala'y baynte ka adlaw ang nahabilin para sa ilang kampaya; kining tungora atong adtuon ang kampanya sa mga politiko sa duha ka probinsiya sa Davao, kini ang Davao del Norte ug Davao de Sur.

Niadtong milabay nga Lunes, Abril 15, gihimo ang grand rally sa Hugpong Ng Pagbabago (HNP) sa probinsiya sa Davao del Norte nga gipangulohan sa ilang chairman atong mayor sa Dakbayan sa Davao, Mayor Sara Duterte-Carpio.

Sa atong nasaksihan, ang maong rally, maoy pinakadaghang mga tawo nga mitambong nga muabot ngadto sa 70 ngadto sa 80 mil, nga matud pa’s atong nahinabi, sa mga rally daw sa PDP-Laban sa ubang dapit sa atong nasud, dili ingon niadto ka baga sa mga tawo nga mitambong.

Kanang isyu nga gihakot, sunog nana nga isyu. Tungod kay bisag kinsang mga politiko karon hakuton gyud nimo’g sakyanan kun imo silang patambungon og rally?

Nayabag ka, imong patambungon, tapos imong pabaktason? Dili nana isyu, ang importante mitambong sila nga wala pugsa, ingon niadto ang gipakitang suporta sa katawhan sa Davao del Norte ngadto sa mga Del Rosario sulod sa 40 ka tuig nga pagserbisyo sa maong probinsiya.

Atong giadtuan ang Davao del Sur, pagka ugma, Abril 16, didto na usab nag-rally ang HNP ang ilang kandidato pagka gobyernador mao si Mayor Peñas, pero natingala kita, tungod kay nganong duha raman sa senatoriable ang mitambong sa rally?

Kini mao si Jiggy Manicad, ug Bong Revilla. Didto sa Davao del Norte didto tanang mga kandidato sa pagka senador.

Si Ronald “Bato” dela Rosa nga taga Barangay Bato Sta. Cruz Davao del Sur wa gani motambong sa maong rally. Ngano kaha? Ingon sa bugnaw ang pag-indosar sa HNP sa lokal nga kandidato sa Davao del Sur.

Nakamatikod na kaha si Mayor Inday, nga pildehunon ang iyang kandidato sa maong probinsiya? Well, sa ato nang giingon baynte ka adlaw nalang ang kampanya, kung maglisod si Peñas pagdaug sa Digos City, unsa na kaha sa siyam ka lungsod sa probinsiya sa Davao del Sur nga wa man siya’y nahimo didto?

Hapit na, atong paabuton ang paghukom nga magagikan sa katawhan sa maong probinsiya, ug atong panghinauton nga limpyo ug hapsay ang umaabot nga midterm elections karong Mayo 13.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!