SECTIONS
Sunday, May 19, 2019
SUPERBALITA DAVAO

Init nga panahon maoy hinungdan sa pagbusikad sa mga bomba - DCPO

EPEKTO sa kainit sa panahon ang gitudlong nag-unang hinungdan sa pagbusikad sa mga bomba sud sa storage area sa Special Anti-Terrorism Unit (SATU) sa Explosive Ordnance Disposal (EOD) sa Davao City Police Office headquarters sa Camp Domingo Leonor, alas 11:30 sa buntag, niadtong Sabado, Abril 20.

Sa gihimo nga pagpanubay sa otoridad nasayran nga naggikan ang pagbuto sa nakatago ang mga narekober nga mga bomba apil na ang uban pa nga gitago gumikan kay ebedensya kini sa korte.

Sa sulat pamahayag sa Davao City Police Office (DCPO), gibutyag ni Senior Inspector Ma. Theresita Plaza-Gaspan, tigpamaba sa DCPO nga walay mga personahe sa EOD ug sa DCPO ang nasamdan atol sa maong insidente.

Dali usab nga nakaresponde ang mga sakop sa kabomberohan aron nga mapasiritan og tubig ang maong lugar.

Gimando sab ni Police Brigadier General Marcelo Morales, ang regional director sa kapulisan sa rehiyon, ang pagbalhin sa mga nabilin pa nga mga bomba ngadto sa usa ka tago ug layo sa peligro nga lugar.

Hinuon walay nasamdan ug nakabsan sa kinabuhi sa maong hitabo, gawas lamang sa kalisang sa mga residente sa kasikbit nga barangay ug pipila ka mga pulis nga anaa sa barracks niadtong taknaa.

Sa impormasyon nga nakalap gikan sa DCPO, atol sa pagbusikad hilabihang kakurat sa pipila ka mga pulis nga on-duty niadtong taknaa ug sa dihang ilang nasayran nga bomba ang mibuto gikan sa EOD stock room nanagan sila sa luwas nga dapit ug mitaho sa ilang labaw, hinungdan nga miresponde ang ubang unit.

Sa kakusog sa pagbusikad, perteng gubaa sa stock room sa mga eksplosibo ug nangabangag ang kesame sa hallway sa kasikbit nga lawak.

Sa pag-imbestiga sa mga sakop sa kapulisan, lakip na sa San Pedro Police station walay dakong kadaut ang nahimo sa maong pagbusikad gawas na lamang sa nangaguba nga tuluganan sa mga sakop sa Special Weapons and Tactics (Swat).


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!