SUPERBALITA CEBU

MacBar squad mipakaging sa I&R sa Alin Cup

MUNA sa ginhawang gipukan sa MacBar ang I&R Logistics, 94-90, aron kuliton ang 3-0 nga baraha sa 5th Alin Cup sa niaging semana sa Cebu Port Authority (CPA) Sports Facility sa dakbayan sa Sugbo.

Si Ryan (RB3) Barral mipusa og 31 puntos samtang miamot og 13 ug 11 puntos matag usa silang Francis Palero ug kanhi commercial player Lyric Into.

Naglabaw na unta og pipila ka puntos ang I&R sa nahibiling tres minutos sa duwa apan sa kalit lang mikolapso kini tungod sa depensa ug ang tres ni Johhny Manolong maoy migiya sa MacBar ngadto sa ilang kadaugan.

Si Chris Perolino may nangu sa I&R sa iyang 22 puntos ug may 21 puntos si Chito Lleve ug lain pa gyung 15 puntos gikan ni Ryan Villomo.

Sa laing duwa, nakabawi dayon gikan sa ilang pagkapandol ang R. Queens Trading human sila modaog batok sa Central Phils. pinaagi sa overtime, 103-98.

Si John Abinales maoy nangu sa R.Queens samtang ang Central Phils. nakakuha usab og 38 puntos gikan ni Jerry Singson. Ang R. Queens maoy naghupot sa ikaduhang pwesto, 2-1, samtang Central Phils. adunay 1-2 nga baraha.

Puntos matag usa:

Unang duwa:

R. Queens (103) - Abinales 31, I. Alin 22, Filoteo 18, Toring 16, Colegado 6, Vasquez 6, Boyo 4. Central Phils. (98) - Singson 38, Quiros 16, Castillo 11, Nudalo 9, Calo 8, Gastador 5, Tradio 4, Labrador 4, Almerez 2, Beelandres 2.

Ikaduhang duwa:

MacBar (94) - Barral 31, Palero 13, Into 11, Estorgio 8, C. Castillo 6, Raya 6, Manolong 5, Carpio 5, Obenieta 4, Enolpe 3, Quirante 2. I&R (90) - Perolino 22, Lleve 21, Villomo 15, Bihag 12, Gamao 9, Laurel 9. (PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph