Malinawon, mabulukong Semana Santa

Sugat sa Minglanilla
Sugat sa Minglanilla

“GENERALLY peaceful naman po ang celebration ng ating Semana Santa 2019. Except for some isolated crime incidents, our security plan has been proven effective.”

Usa kini ka deklarasyon ni Police Colonel Manuel Abrugena, direktor sa Cebu Provincial Police Office (CPPO), diin gidasonan sa mga dirketor sa kapulisan sa dakbayan sa Sugbo, Mandaue ug ubang dapit sa lalawigan.

Dili mawala ang kamabulukon sa kasaulogan sa Semana Santa sa Sugbo sama sa pagpalansang sa krus ni Gilbert Bargayo, 59, sulod na sa ika-27 ka tuig apan ang iyang ulahing sunodsunod nga pito ka higayon nga pagpalansang gihimo sa lungsod sa Tuburan niadtong Biyernes Santo, Abril 19.

Si Mayor Democrito ‘Aljun’ Diamante, kinsa motapos na sa iyang termino sa pagka mayor sa Tuburan ug karon nikandidato isip bise mayor sa iyang igsuon, nisaad nga mopadayon sa pagsuporta sa penetensiya ni Bargayo.

“Daghang grasya nga akong nadawat... Deboto sad kaayo ko nga Romano Katoliko. Mao kini ipasunod nako sa pamilya,” matod sa mayor.

Sa dakbayan sa Sugbo, mabulukon kaayo ang linawas nga Buhing Kalbaryo sa Barangay Guadalupe.

Sa isla sa Bantayan, sama sa naandan, nagdasok ang daghan tawo sa talagsaong kapistahan sa isla atol sa Semana Santa. Gawas sa mga deboto, daghang turistang langyaw ang nagbakasyon sa isla.

Sa Dominggo sa Pagkabanhaw, Abril 21, ang gibantayan mao ang maanindot nga Sugat o Kabanhawan Festival sa lungsod sa Minglanilla, lungsod sa Sta. Fe ug lungsod sa Bantayan sa isla sa Bantayan.

Pipila kini sa mga talan-awon nga nakuha sa mga maniniyot sa SunStar ug Superbalita Cebu nga sila si Alan Tangcawan, Arni Aclao, Amper Campaña ug Alex Badayos. (RRM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph