PADAYONG gisusi sa kabomberohan nganong nisiga nga mao’y nakaingon sa sunog kining generator set sa usa ka hotel sa dakbayan sa Sugbo atol sa pagsugat sa Dominggo sa bagkabanhaw, Abril 21.
Nasunog mao ang 11--ka-andanang Hotel Elizabeth sa Archbishop Reyes Ave., Camputhaw, dakbayan sa Sugbo.
Nasayran nga anaa sa 2nd floor ang generator set sa maong hotel diin mao kini ang nasunog. Matod sa Fire Marshall sa Cebu City Fire Station Chief Insp. Noel Nelson Ababon nga ala 1:33 sa maadlawon nila nadawat ang alarma sa maong sunog.
Gisaka kini sa 2nd alarm ala 1:46 AM, ug hingipit na kontrolar alas 2:13 AM.
Samtang gideklarar kini nga fireout alas 2:24 AM.
Sa pasiunang imbestigasyon sa Cebu City Fire Station, nga ni brownout ang maong hotel dayon automatic nga ni-on ang ilahang gen set apan nakamugna na hinuon kini og sunog.
Wala ra’y samdan o anggol sa maong sunod samtang anaa sa P10,000 ang danyos sa sunog. (HBL)