ATOL sa wali sa kasaulogan sa Easter Sunday sa Cebu Metropolitan Cathedral sa kagahapon sa kaadlawon, Abril 21, si Cebu Archbishop Jose Palma nidasig sa mga magtutuo sa pagsalig ug pagtuo sa Ginoo, sama sa nabanhaw nga si Hesus.
Apan sa linaing pakighinabi kaniya sa mga tigbalita human sa misa, si Palma nipadayag sa pagkondenar sa sunodsunod nga kaso sa pagpamatay.
Nanawagan usab siya sa awtoridad sa magmatinud-anon ug mohimo og patas nga imbestigasyon sa mga kaso.
Samtang sa iyang wali, ang 69-anyos nga Arsobispo nipaambit kabahin sa kabililhon sa kinabuhi ug kaayohan nga makuha sa drug rehabilitationt program.
“Taliwala sa tanang problema, taliwala sa kangitngit, ug bisan pa sa lainlaing mga hitabo, ang atong pagsalig sa Diyos maoy magdala nato sa kausaban, bag-ong paglaum, bag-ong kinabuhi,” tipik sa wali ni Palma.
“Di ako malimot sa usa ka graduation sa drug rehab program, naay usa ka bata nga nag-testimony, matod pa man niya, ‘salamat aning drug rehab program, para nako, if I believe I can change ug bisan sa usa lang ka tawo makadangat ko’g kalipay, there is one person I would like to be happy, akong mama. Mama cleared na ko! Mama kaya na nako mag bag-o.” asoy ni Palma sa pulong sa nitapos sa rehab.
“Kung atong kaugalingon lang ang saligan, daghang mga problema, panghitabo, dili nato makaya,” dason niya.
Si Palma nipaambot sa importansiya sa kasaulogan sa Pagkabanhaw nga timaan sa pagtapos sa kalihokan sa Srmana Santa sama sa Last Supper, Visita Iglesia, Stations of the Cross ug Seven Last Words o Siete Palabras.
“Kini tanan kulang kon dili nato saulugon ang pagkabanhaw ni Kristo. Kay kining pagkabanhaw ni Kristo maoy pagpamatuod sa Diyos nga ang tanan nga gitudlo ni Hesus, ang tanan niyang gibuhat maoy good news, dili fake news, ug maoy pangandoy natong’ tanan,” dugang niya.
Sa pakighinabi sa media, hugot nga gipadayag niya ang kasubo sa daghang patay nga nahitabo.
“Kung dunay kalipay kita sa pagkabanhaw, nasubo sab kita sa mga ingon ini (sa kasong pagpamusil) nga mga panghitabo. It’s as if ang kinabuhi gamay nalang og value. I just hope that somehow, they (authorities) will prove true to their calling,” matod ni Palma.
Dugang pa, iyang gihagit ang mga magtutuo nga mahimong responsable nga botante sa umaabot nga eleksiyon sa Mayo 13.
“We do believe that our people have the power; the power does not so much consist in the power of hands that were raised by powerful people or endorsed even by the present administration or whoever endorses them. It is supposed to be on the hand that is dictated by right conscience,” pasabot niya.
Gipasaot ni Palma nga ang Catholic Bishop’s Conference of the Philippines (CBCP) nagpabiling non-partisan body.
“As a principle, the CBCP do not endorse any electoral candidate. Ang amo is ang paghatag og guidelines ra. I trust the people. Good votes will appear on the ballot,” dugang sa Arsobispo. (B)