ANG lawas nga giingon nga iya kang Franz Sabalones nga atua sa Quezon City dili marelease sa kapulisan kon dili ang immediate family niini ang mokuha.
Matud pa ni Police Regional Director 7 Debold Sinas nga una mapagawas ang lawas, gikinahanglan makuhaan og swab ang tagtungod, kini alang na sa DNA testing.
Kay matud ni Sinas nga dili pa sila 100 porsyento sa pag-ila kon si Franz Sabalones ba ang maong napatay sa usa ka shooting incident sa kauluhan niadtong Huwebes Santo.
Hangtud nga walay scientific evidences, sama sa finger printing ug nag-una ang DNA, dili marelease ang lawas, asoy ni Sinas.
Dugang ni Sinas nga nagtuo na hinuon sila nga si Franz kini, human nga mao usab ang gitug-an o pag-ila sa mga kanhi sakop ni Sabalones nga nasikop sa mga pulis.
Giingon nga wala ni bisan usa sa mga kabanay ni Sabalones igkita dire sa Sugbo, bisan na kadtong gii gon nga kapuyo ni Saballones.(FMD)