#Friendshipgoals


(Contributed photo)
(Contributed photo)

COLORFUL ang tuga nga gisul-ob sa lima ka magbarkada susama ka mabulukon sa ilang panaghigalaay ug sa ilang #Friendshipgoals diha sa pagtungha nga dungan nga makahuman sa senior high ilabi na sa ilang next journey sa kolehiyo.

Nag-viral sa social media ang post ni Unisse Adeline Firmacion, human daghan ang na-inspire sa ilang estorya isip managhigala nga wala gisapayan ang kalisod sa ilang mga iskedyul apan gitagan-an sa kahigayonan nga mapalig-on pa ang panaghigalaay.

Nagkaila sila si Unisse Firmacion, 18, ABM kinsa nigradwar sa Capitol University nga taga Capistrano street ning siyudad sa Cagayan de Oro; Hazel Mier Villamor, 18, NHA Kuswagan, STEM, sa De La Salle John Bosco College sa Surigao; Jodele Siarot, 18, taga Barangay Bayabas, HUMSS sa Pilgrim Christian College; Claryza Mei Mantilla, 18, taga Barangay Canitoan, STEM sa Univeristy of Science and Technology ug Chelsea Therese Pareja, 19, taga Upper Carmen ning siyudad, HUMSS sa Liceo de Cagayan University niadtong anaa pa lang sa Junior High sa Pilgrim Christian College gumikan kay gaan ang ilang mga balatian sa usag-usa apan nagkabulag-bulag dihang anaa na sa Senior High School.

Kung dunay Long Distance relationship (LDR) alang sa manag-uyab duna usab sa managhigalaay ang susama niini nga sitwasiyon diin ang usa niini nga si Villamor anaa sa 12 ka oras nga biyahe ang distansiya diha sa iyang mga higala human nga nag-eskwela sa senior high sa Surigao apan dili kini babag sa ilang closeness.

“Pagmaka-uli ko magkita-kita dayon mi ayha napud ko makauli pag holiday kay layo gyud 12 hrs ang biyahe,” matud ni Villamor.

Gidugang usab ni Firmacion nga gihatagan nila og panahon ang matag-usa ilabi na nga magkita matag human sa klase kung dunay higayon.

“Continue lang gihapon mi every after mag-dismissal sa among school everytime gakita gyud mi after class,” matud ni Firmacion

Mura og uyab

Alang usab sa managhigala susama gihapon sa manag-uyab nga importante gyud ang komunikasiyon ug ka-open sa matag-usa.

“Through that communication diba lagyo mi magkita dayon mi amo dayon e-share among experiences, bad experienced kay ga-struggle gyud mi during Senior High throughout dayon ato didto mi nag grow differently, gipang-apply namo to each other, mga advices,” matud ni Pareja.

Matud ni Mantilla nga bisan sa ilang ka-busy ug gani usahay halos kapin bulan na nga dili gakita apan tungod sa komunikasiyon sa social media susama ra gihapon nga nagkitaay sila hinungdan nga dako usab og pasalamat sa social media nga dakong tabang sa pagpalig-on pa sa ilang friendship.

“Usahay rami magkita basta dili lang busy, murag ang bond murag everyday ra gihapon mo gauban kay mag- istorya mi mura rag kagahapon lang mi nagkita kanang a month or two wala mi gakita,” dugang ni Mantilla.

Duha sa lima ka magbarkada ang dunay boyfriend diin usahay mao ang hinungdan sa pagselos ug pagmahay sa mga barkada nga dili mahatagan og panahon apan gipasalig usab nila nga dili kini makadaot sa ilang panaghigala ug pagtungha gumikan kay supportive usab ang ilang mga boyfriend diha kanila.

Gidugang usab ni Pareja nga magmahay-mahay siya nga mas mahatagan pa og panahon ang uyab kaysa sa ilang higala apan nasabtan ra usab kini nadugay ilabi na nga namahimo usab nga higala ang uyab nila ni Siarot ug Firmacion.

Naghatag usab kini og mga advices sa mga kabatan-onan ug sa mga managhigala sama na lamang sa pag-ampo kanunay ug magbaton og plano kauban ang mga higala.

“The most powerful thing is prayer man gyud, magset kag goals with your friends, be open bitaw,” dugang ni Pareja.

Gidugang pa sa managhigala nga ang sekreto usab nga molungtad ang paghigalaay mao ang pagpasaylo ug kinahanglan nga bukas ka sa imong mga higala ug dili kalimtan.

“Ang secret pud sa friendship forgive lang gyud and forget,bisan away na mo diha,no matter what ayaw gyud ninyo kalimti ang inyong friends,” matud ni Siarot.

“Ang one thing para mag long last ang friendship is you have nothing to hide kay unsaon namo pag comfort kung wala mi kabalo sa imong problema,” matud ni Firmacion.

Mapasalamaton ang usag-usa kanila nga nagkaila gumikan kay mga maayo kini nga impluwensiya sa matag-usa ug nanghinaot nga magkauban pa tungod kay daghan silag mga kalamposan human nga gisandigan niini ang ilangfriendship.

Behind the viral photos

Tumong lamang sa managhigala nga makapahulagway nga dungan nga sul-ob ang ilang mga toga ilabi na nga mao gayud kini ang ilang gusto nga mahitabo sukad pa kaniadto.

Wala nagdahom nga mag-viral kini sa social media ug nakahatag pa og inspirasiyon sa kadaghanan nga naghatag og komento sa ilang hulagway nga nagsul-ob og nagkadaiyang kolor sa tuga.

Giingong mga anaa sa napulo ka bulan na nila nga giplanohan nga magsul-ob sa ilang mga toga apan nagkalisod ilabi na nga managlahi ang iskedyul sa ilang mga graduation apan gihatagan man og usa ka semana sa ilang mga toga hinungdan nga nakahigayon sa pagpahulagway nga sila gyud lima.

“Gihatagan man mi og one week para before e-uli ang toga so murag naa na tay chance nga maka picture tang lima,” matud ni Firmacion.

Gidugang pa nga wala igsagpayan sa managbarkada ang kantiyaw sa pipila nga nakakita nga nakatoga silang lima lamang niadtong panahona apan nalipay usab gumikan kay daghan usab ang nag-congratulate usab ngadto kanila.

“Wala biya gyud mi nag-expect amo gyud nga makapost lang mi sa facebook nga kami, wala mi nag expect nga nagviral mi,” dugang ni Peraja.

Dako usab ang pasalamat sa managhigala gumikan kay nakahatag og inspirasiyon sa mga kabataan nga magtarong og eskwela.

“And the thing is ang mga comments bitaw sa tao kay puro positive, inspiring daw, na-inspire pud daw sila nga magtarog eskwela para pud daw sila maka picture sa ilang friends nga ingon ato,” dugang ni Mantilla.

Buot sa magbarkada nga mag-usa lang og eskwelahan sa kolehiyo apan susamang wala itugot sa panahon gumikan kay dili gihapon sila mag-uban sa college. Paningkamotan nalang matud pa nga mogradwar nga dungan ug maningkamot nga mahuman sa pagtungha nga dunay mga flying colors ug mamahimong successful sa kinabuhi ilabi na sa pagbaton og stable job.

Susama sa giingon ni Elisabeth Foley nga “The most beautiful discovery true friends make is that they can grow separately without growing apart,” diin sama kini sa maong managhigala.

So atong timan-an kanunay nga dili lamang sa inyong mga boyfriend or girlfriend ihatag ang inyong time apan ayaw kalimti nga ang inyong mga higala nga nagkinahanglan usab niini.

Manghinaot usab kami sa Superbalita nga susama sa maong managhigala makahatag kini og inspirasiyon sa mga kabataan diha sa pagbaton og higala nga mamahimong inspirasiyon diha sa pagkab-ot sa kalamposan sa matag-usa ilabi na sa pagtungha.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph