DILI mominos 1,500 ka mga miyembro sa Alubijid, Laguindingan, El Salvador Ministers Association (Alema) nagpadayag sa ilang suporta ngadto sa partido PaDayon Pilipino slate sa 2nd Distric sa Misamis Oriental.
Apan lamang wala nakatunga si Governor Bambi Emano ug magpapili pagka kongresista Benjo Benaldo lakip sab si Board Member Nancy Madjos.
Niadtong Sabado Santo, Abril 20, nagpasiugda ang Alema og rally aron paabot sa mga kandidato sa partido ang ilang dakong suporta.
Si Pastor Eddie Macalaguing, kinsa chairman sa Alema, niingon nga labing unang higayon kini nga sila nagpakita ug nagpaabot og suporta ngadto sa kandidatura ni Governor Bambi Emano, Board Member Prexy Elipe ug mga Board Member sa Segundo Distrito.
Matud niini nga kongresista pa si Emano gapaabot na sila sa suporta apan dili susama karon sa ilang gihimo nga naghimo gyod ug programa aron mahimamat ang line up sa partido.
Gani pipila sa mga miyembro unang higayon nakita ang mga kandidato.
Matud ni Macalaguing nga bout lang nilang paabot ang suporta gumikan kay ilang nakita ang transparensya sa pangoberno sama sa daghan sa ilang mga miyembro natabangan sa Misamis Oriental Care System lakip sab sa nahimong iskolar sa Iskolar ko ni Bambi.
Ang mga nagpapili nihatag sab sa ilang tagsa tagsa ka plataporma aron mas maila pa sa mga miyembro sa Alema.
Si Benaldo giingong naa sa bakasyon sa laing nasod ug Madjos ang adunay importanteng lakaw.
Samtang si Emano nibutyag sa SunStar Superbalita nga pangpamilya nga lakaw hinungdan wala na makaapas apan mahinungdanon alang kaniya ug mapasalamaton kaayo kini sa gihimong pag-endorso sa ilang partido.