GIKLARO sa 4th Infantry Division-Philippine Army (4ID-PA) nga dili nila binuhatan ang mangdaot ug mokampanya aron dili pabotaran ang usa ka kandidato.
Kini human gitumbok ang ilang ahensya maoy nipakatap sa mga black propaganda nga daw pipila ka mga party-lists nga nagpapili sa umaabot election ang dili pabotaran kay miyembro o mga sakop ug gasuporta sa New People's Army.
Atol sa Talakayan nga giorganisa sa Philippine Information Agency, gibutyag ni 403rd Brigade Commander Lt. Col De Leon nga dili kini nila mahimo tungod kay usa ka dakong kasupakan sa election kon silay mohimo niini.
“I suspect other party-list, kalaban nilang party list ang gumawa niyan hindi ang militar. They have to prove that, we are not doing that,” matud ni De Leon ug miingon nga labina karon nga sa botohay sa party-list gikinahanglan lamang ang usa ka boto.
Aminado sab kini nga dili kini niya mahimo nga ikampanya kon siya isip sundalo apan kon personal ug isip usa botante siya mokampanya sa iyang pamilya kon kinsa ang dili niya pabotaran.
“As a civilian, I myself...I can openly tell not to vote, I can tell my family but as a soldier I can’t tell them publicly,” dugang niini.
Sa iyang bahin sab ni PL/Col. Surki Sereñas, tigpamaba sa Police Regional office- Northern Mindanao, miingon nga unta ang mga ingon niini dili na angayan ikatingala niining pipila ka mga kandidato tungod kay parte kini sa dirty politics.
“I'm just wondering nganong sensitive man kaayo ning uban. Actually it's happening sa tanan halos kandidato being attacked, being sneered nganong sila ramay gareklamo actually part mana sa dirty politics,” matud ni Sereñas.