Dominggo sa Pagkabanhaw malinawon

CAGAYAN DE ORO. Puno-puno ang mga swimming pool ug mga beach resort sa Cagayan de Oro City ug Misamis Oriental atol sa Dominggo sa Pagkabanhaw. Kini kuha sa Spring View Resort sa lungsod sa Jasaan, Misamis Oriental. (Stephanie Berganio)
CAGAYAN DE ORO. Puno-puno ang mga swimming pool ug mga beach resort sa Cagayan de Oro City ug Misamis Oriental atol sa Dominggo sa Pagkabanhaw. Kini kuha sa Spring View Resort sa lungsod sa Jasaan, Misamis Oriental. (Stephanie Berganio)



MALINAWON ang kinatibuk-an nga kasaulogan sa Semana Santa ilabi na sa Easter Sunday, Abril 21, sa siyudad sa Cagayan de Oro.

Walay natalang mga dagkong insidente sa siyudad ingon man walay mga dautang insidente diha sa mga beach resorts nga gidagsa sa katawhan.

Gibutyag ni Police Lieutenant Colonel Mardy Hortillosa, tigpamaba sa Cagayan de Oro City Police Office, nga malinawon ang kinatibuk-an nga kalihokan.

“Generally peaceful for the reason nga wala makabalda ato kasaulogan tungod sa mga krimen bisan paman naay dunggab,” matud ni Hortillosa.

Nagpasalamat usab kini sa tanang niabag aron nga mapatunhay ang kahusay ug kalinaw atol sa maong mga kasaulogan.

Samtang gibutyag usab ni Nick Jabagat, tsirman sa City Disaster Risk Reduction and Management Department, nga walay natala usab nga dagkong panghitabo atol sa maong kasaulogan.

Giingong kini ang tumong ug tuyo sa hugot usab nga pagbantay sa mga kadagatan ug beach resorts niadtong adlaw nga Dominggo.

Kauban ang personahe sa kapulisan, Philippine Coast Guards ug uba pang awtoridad ni-abag alang sa malinawon nga kasaulogan.

“Peaceful gyud kaayo atong kasaulogan, atong gipakatag atong mga personahe ug naa tay tulo ka stations sa Bonbon kay taas kaayo diha, so malinawon gyud walay simbako nalumos,” matud ni Jabagat.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph