PLASTADO ug gigamit na ang high tech digital scanner sa checkpoint sa Barangay Sirawan, Toril, Davao City nga nagsugod niadtong Huwebes Santo, Abril 18.
Sa pagmuntar sa maong scanner, mapasigarbuhon ang kasundalohan sa Task Force Davao (TFD) gumikan alang kanila mas dali nalang ang pag-monitor sa mga kadudahan ug gidili nga butang nga masulod sa Davao City.
Sumala ni TFD commander Col. Consolito Yecla nga nagkinahanglan og dako nga pasilidad alang sa high tech digital scanner tungod sa kahuot sa gibutangan niini.
“Ang scanner sa Siwaran, experimental pa ang design sa facility kay medyo masikip, kailangan ng mas malaking facility sa metal scanners and detectors, need pa nato nga i-request,” ingon ni Yecla.
Giingon sab sa opisyal nga kung dili busy ug dunay kaugdahan, paagion ang bus sa scanner nga alang niini, apan kung dili pigado sa oras, ang mga pasahero ang usa-usa nga paagion sa scanner.
Padayon gihapon ang himuong plain view doctrine alang sa mga pribadong sakyanan diha sa pamaagi sa pag-inspeksyon.
Sunod butangan sa maong ekepo mao ang TFD checkpoint sa Barangay Lacson sa Calinan ug sa Barangay Licanan sa Bunawan District ning siyudad. (Richy F. Nalagon)