MOPAHIGAYON ang Moalboal Chess Club og “1st NM Glicerio “Asing” Badilles Memorial tournament karogn Mayo 4 ug 5 diha sa Gaisano Town Center sa maong lungsod.
Ang inilang Grandmaster sa Asia nga si Eugene Torre maoy pinasidunggang dinapit sa maong kompetisyon nga gipahinungod ngadto sa legendary nga nahimong unang legendary national master.
Gibahin ngadto sa tulo division ang mga partisipante. Kini mao ang Open, Class B ug Kiddies. Ang open division langkuban sa mga chess players gikan sa nagkalain laing dapit sa Sugbo samtang ang Class B alang lang niadtong mga local players. Ang kiddies pagatigian usab niadtong mga nagpangidaron og 12 anyos paubos nga mahimong salmotan sa taga laing lugar.
Ang top three players sa Class A adunay premyo nga P6,000, P3,000 ug P2,000, matag usa samtang ang fourth placer makabulsa og P1,000.
Kadtong motapos sa fifth ug sixth placers aduna tag P500.
Ang champion sa Class B makabulsa og P2,000, samtang ang sunod nga duha ka placers magahinag P1,000 ug P700. P500 ang mabulsa sa fourth ngadto sa sixth placers.
Makadawat og P2,000 ang mohari sa kiddies category, P700 ug P500 alang sa second ug third placers.
Ang fourth ngadto sa sixth placers adunay P300, P200, ug P100, nga pasunod. (JBM, ML)