PROFESSIONAL ug amateur boxing ang ipasundayag sa dihang ipahigayon ang Bakbakan sa Looc karong Abril 27 (Sabado) diha sa Cabahug basketball court sa baranga Looc, dakbayan sa Mandaue.
Ubos sa Naris and RWS Promotions, mga Mandauehanon nga mahiligon sa natad sa boxing ang makasaksi sa duha ka six-round fight ug usa ka four-rounder nga molangkob sa co-main event fights nga molangkob sa maong card nga sugdan sa alas kuwatro sa hapon.
Si Melmark Dignos Singwancha makigsangka ni Rogen Flores sa dakbayan sa Mandaue alang sa 122 lbs.
Samtang si Adones Aguelo Singwancha mosuway usab sa katakus ni Richard Betos sa Surigao sa 140 lbs.
Mopakita usab og aksiyon ang haponanon nga si Toushin Batulga sa four-round fight diin iyang ikasangka ang taga Surigao nga si Roldan Quimpan.
Makigsinuntokay usab ang Sugboanong si Michael Adofo batok ni Angeo Samson samtang magtigi sila si Kier Torregosa batok Bryan Gatas sa laig fouar-round match.
Gawas sa mga lima ka professional matches, laing lima ka parisan sa amateur bouts ang mokompleto sa maong promotion nga giabangan sa Happen Stance. (JBM)