SUPERBALITA CEBU

Tagming: Coco nisamot ka way lami!

NISAMOT hinuon kamaot ang imahe ni Coco Martin tungod ning iyang mga maisugong pamahayag nga maora ba’g ang gusto niyang ipasabot nga, “mind your own business!?”

Kon ako’y Coco Martin... ug kon dili gyud tinuod ang isyu nila ni Julia Montes nga giingong nihimugso na sa iyang anak ako nang i-deny uy aron mahuman na.

Pero kon ang isyu dunay kamatuoran lisud gyud tinuod ni tubagon ug atubangon.

Kahinumdom ko kadtong giinterbyu nako si Paulo Avelino mga 2013 nga kalit kong gisinghagan sa iyang road manager, tungod lang sa akong pangutana kon tinuod bang buwag na sila ni LJ Reyes kay mao man tong tayma nga sipa kaayo ang isyu nila ni LJ.

Kahinumdom sad ko nga puwerteng sukoa ni Martin Nievera sa dihang gisuwat sa kulomnistang si Ricky Lo nga nagbuwag na sila ni Pops Fernandez.

Taudtaud nga gitago ni Martin ug Pops ang ilang break-up sa publiko tungod sa specific provision sa ilang mga endorsement contract niadto isip magtiayon.

Dihang nakarelasyon ni Dolphy si ZsaZsa Padilla niadtong 1989 nahimo sad tong dakong isyu sanglit dako pang minyo niadto si ZsaZsa sa papa ni Karylle.

Si Dolphy niangkon nga na-down gyud ang iyang career niadtong mga panahona. Pero wa siya masuko sa showbiz fans kay sayud siya nga isip artista duna siyay tulubagon isip usa ka public property.

Naa ko’y nabasahan sa online nga “are celebrities public property?” Matod pa sa artikulo: “The public and their fans is what makes them rich, and even their movies belong to various companies, they are in many ways public property and their lives no longer belong to them... If they want to continue in the rich and famous styles they do, they have to stay in the public eye.”

Mosugot man ta’g sa di mao gyud nay kinaiya sa showbiz ug normal lang nga mo-react gyud ang fans labi na kon ang imong giagrabyado usa ka inosenteng binuhat.

Kon si Coco di ganahan hilabtan ang iyang personal nga kinabuhi puwede siya mag-ala John Lloyd Cruz. Leave showbiz!

Ang gikinahanglan ni Coco Martin damage control ug ang pagkamabugnawon sa hunahuna taliwa sa naglagiting nga kainit karon sa haring adlaw.

Mao ni gitawag nga acid test karon sa career ni Coco. Kon makalusot siya maayo. Kon di goodbye! (acmartinjan@yahoo.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph