SECTIONS
Wednesday, September 18, 2019
SUPERBALITA CEBU

Nalzaro: Si Franz gyud kaha?

Saksi

DAGHANG mga gumunhap ug tanghaga nga naglimen nunot niining pagpusil-patay kang self-confessed druglord Franz Sabalones didto sa kauluhan niadtong kaadlawon sa Huwebes Santos. Wala kaayo kini mapagya sa mainstream media gumikan kay wala na may broadcast ang mga radio ug television stations niadtong higayona ug wala nay isyo ang mga lokal nganewspapers gumikan kay Holy Week na lagi. Apan nanggawas sa social media ug digital o online publication ang maong balita.

Daghan ang mga nagduda nga kon si Sabalones ba gyud ang gipatay gumikan kay dugay naman ang huhungihong nga atoa na sa gawas sa nasod si Franz uban sa iyang igsoon nga si San Fernando Vice Mayor Fralz Sabalones. Dugay na nga wala mo-report ang bise mayor human gipamatay ang pipila ka mga konsihal sa maong lungsod nga adunay koneksiyon sa illegal drug trade ni Sabalones. Hurot-hurot ang mga pulitiko sa San Fernando ug mga pulis nga adunay kalambigitan sa sindikato ni Sabalones.

So, ang pangutana sa kadaghanan: si Franz ba gyud ang napatay aa Quezon City? Daghan ang nagduda gumikan kay ang mga opisyal sa kapulisan dinhi sa probinsiya ug sa rehiyon wala man mokonpirmar kon si Franz ba ang napatay. Matod pa sa taho nga si Sabalones kuyog nila ni Michael Noel Diaz ug Jonathan Peter Tui, mosulod na unta sa usa ka billiard hall sa Timog st., sa Quezon City sa dihang gipusil si Sabalones sa wala pa mailhing mamumuno. Giila siya sa iyang ig-agaw nga si Joselito Cabilao. Gikuha na kaha sa iyang mga kabanay si Franz didto sa kauluhan? Morag wala may emek ang iyang mga kabanay diha sa San Fernando.

Basin kining kamatayon ni Franz, mahisama sa kamatayon niadtong laing druglord nga si Jeffrey “Jaguar” Diaz, kinsa napatay sa mga pulis didto sa kauluhan niadtong July 2016. Daghan ang nagtuo nga dili si Jaguar ang napatay atol sa maong shootout tali sa mga pulis gikan sa Police Regional Office (PRO 7). Wala gipakita sa publiko ang haya ni Jaguar hangtod nga kini gilubong hinungdan nga daghan ang nagduda. Basin mao usa kini ang nahitabo ni Sabalones. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph