USA lang ka legitimate Comelec checkpoint ang gihimo, kini ang giluwatan nga pamahayag ni Brigadier General Debold Sinas, atol sa press conference kagahapon, Abril 22, sa buntag.
Pagpasabot niini nga ang gihimo nga checkpoint adunay pagtugot sa Comelec ug nga base sa assessment sa kapulisan human nga ang maong mga lugar ang wala gipaubos sa checkpoint sulod sa dugay nga panahon.
“Una-una the checkpoint was properly nagpaalam sa Comelec, it so happened sa kadugay lang nahitabokaron lang nag-checkpoint sa ilang lugar, excuse diay sila? Kumbaga nagtuyok ta, nag-checkpoint, it so happened didto sad sa ilaha, kay murag namatikdan sa mapa, wala man nag-checkpoint dire. Katong ‘katok’ , baka nakalimutan nila naa ta Oplan Katok dire,” asoy ni Sinas.
Matud ni Sinas nga ang ilang gihimo pagpakita lang nga impartial sila.
Nasayran nga ang checkpoint nga gipahigayon sa kapulisan atol sa semana santa atubangan mismo sa panimay ni re-electionist Osmena ang gisaway sa mga supporter sa BOPK ug nagtuo ang mga residente nga gigamit na nga “goons” ang kapulisan ug pagpang-harass sa publiko sa nagkaduol na ang eleksiyon
Sa video nga gi-upload ni Osmena sa iyang Facebook account, makita nga bisan ang iyang asawa nga si Cebu City councilor Margot Osmena mihangyo pa sa kapulisan nga tugtan nga makasud sa ilang panimay niadtong Semana Santa.
Tungod niini, nanawagan og ensaktong pagpasabot ang mga suporter sa Bando Osmenñ Pundok Kauswagan labot sa gihimong checkpoint sa kapulisan atubangan mismo sa panimay ni Osmena sa Barangay Guadalupe, dakbayan sa Sugbo.
Ang running mate ni Osmena nga si vice mayoralty candidate Mary Ann de los Santos dali nga nagpakisusi usab human mipahigayon usab sa iyang barangay og search sa illegal firearms ang kapulisan .
“Now as to his claim, no comment, we are just doing our job, we are just ask the Comelec, kumbaga ang tanang lugar natuyok nana, so amo hunahunaon sa kadugay na, nganong karon lang nag-checkpoint sa iyang barangay. It is just a legitimate police operation, on how he sees it, bahala na siya. Wow, Police terrorism, pwede magsabi politician terrorism (si Osmena)?”, tubag usab ni Sinas. (FMD)