USA ka bahin sa Osmeña Blvd. sa dakbayan sa Sugbo ang sirhan sulod sa pipila ka oras ugma sa hapon, Abril 24, alang sa prosisyon sa National Youth Day (NYD) 2019.
Ang Cebu City Transportation Office (CCTO) ni- reroute private ug public vehicles sa dapit.
Si CCTO operations chief Francisco Ouano niingon nga temporaryo ang pagsira atol sa peak hours.
“We are expecting around 40,000 participants that is why we urged those with no urgent and important commitment near the procession route to avoid the area,” matod ni Ouano.
Ang religious activity magsugod sa alas 6:00 sa hapon ug ang pagsira sa dan magsugod sa alas 5:00 sa hapon.
Ang opening procession magsugod sa Cebu City Sports Complex ug moagi sa P. del Rosario St., Osmeña Blvd., F. Gonzales St., Magallanes St., dayon sa Magellan's Cross ug Basilica del Sto. Niño. “The closure will take effect most probably for three hours but we will open the road immediately once the area will be cleared,” matod n Ouano.
Mokabat sa 90 personnel ang mogiya sa dagan sa trapiko.
Lakip gi-reroute ang gikan sa Lahug, Apas ug Ayala agi sa N. Escario St., moagi na sa R.R. Landon St., Junquera St., Sanciangko St., ug Pelaez St. ngadto na sa downtown area. (SunStar Cebu)