GITUOHAN sa hepe sa Police Regional Office (PRO) 7 Police Brigadier General Debold Sinas nga dakog epekto sa supply sa illegal nga drugas ang kamatayon ni Franz Sabalones sa siyudad sa Quezon niadtong huwebes santo sa kaadlawon, Abril 17.
Human siya gibuhian sa kampo Crame giingong mibalik na usab kini sa iyang ilegal nga negosyo uban sa iyang mga gaway.
Apan temporary lamang ang epekto sanglit siya nagduda nga ang mga drug player ni Sabalones mangita na usab kinig lider nga ika hulip sa ilang labaw.
Hangtod karon wala pa makuha ang patayng lawas ni Sabalones sa usa ka punerarya sa syudad sa Quezon bisan pa man nga aduna nay nagpaila nga ig-agaw niini nga ang napatay mao gyud ang drug lord sa Sugbo nga si Franz Sabalones.
Gipangayoan matod pag special power of attorney si Jerome Cabilao kung siya ba ang gitugotan sa pamilya ni Sabalones nga mo claim sa patayng lawas niini.
Wala gitugot sa punirarya nga nag atiman sa patayng lawas niini nga an gig-agaw lang ang mokuha sanglit gusto nila nga ang direktang pamilya ang makig sabot kanila.
“Ayaw po sir lomutang yung family dito sa Manila, sabi kasi nga funeral parlor ang pwede lang mag claim ang parents or brother or sister dahil buhay pa yung mother, siya lang ang pwede,” matod ni Police Major Elmer Monsalve.
Nagpadala na usab og mga personnel sa PNP Crime laboratory si Sinas aron makuhaan og swab sample ang patayng lawas aron sa pagtino nga ang namatay mao ba gyud si Franz Sabalones. (AYB)