DAKO og tabang ang mga earthquake drill panahon nga dunay linog nga masinati.
Kini ang gibutyag ni Regional Director Marcial Labininay sa Philippine Institute of Volcanology and Seismology (Phivolcs)-Northern Mindanao human gitay-og sa magnitude 6.1 nga linog ang Luzon.
Matud ni Labininay nga taliwala nga dili konektado ang pagtay-od didto
sa Luzon dinhi sa Northern Mindanao, apan kinahanglan sa katawhan nga magbinantayon.
Dugang niini nga dili matagna kon kanus-a moabot ang linog, hinungdan nga importante kaayo ang pagpangandam.
Pagpangandam sama sa padayon sa pagpahigayon og mga earthquake drill tungod kay dako kini kaayo og tabang aron ma-edukar ang katawhan unsay buhaton kon masinati gyod pag-ayo ang kusog nga pagtay-og, matud ni Labininay.
Padayon kining nagahangyo sa katawhan, sa mga tunghaan ug bisan asa nga buhatan nga magpahigayon kanunay niini.
Gipaabot sab niini nga bukas siya kanunay nga mohatag inpormasyon, ug mahimong speaker kon imbitahan lamang.
Kahinumduman, apektado sa bag-ong pagtay-og ang lugar sa Zambalez kon hain pinakauwahing ihap sa namatay moabot na sa walo.