USA ka aktibong Cafgu Active Auxiliary (CAA) ang gipatay sa gitouhang mga sakop sa New People's Army (NPA) niadtong April 20 sa Barangay New Eden, lungsod sa Pangantucan, Bukidnon.
Si Jovane Bravo Salisi, 21, ulitawo, residente sa susamang lungsod, ang gipatay samtang nagbantay sa lugar kon hain gitukod ang patrol base nga galantaw sa maong barangay.
Si Salisi giingong dako kaayo og kontribusyon aron malinawon ang lugar gumikan kay daw sige kinig ingon nga bahala og iyang ikamatay basta mawala lang ang presensya sa walhong grupo sa lugar.
"Sige syag ingon sa una, OK ra niya'g mamatay basta mawala mga NPA sa Pangantucan. Pangandoy gyud niya mahimog sundalo ug makapatindog ug sementado ug de tiles nga balay para sa iyang ginikanan," matud sa kauban niini.
Si Lieutenant Colonel Sergio P. Macarandan Jr., commanding officer sa 1SFBN, miingon nga ang walhong grupo wala nay respeto sa katungod sa usa ka tao bisan pa nga giobserbar niadtong tungora ang Semana Santa.
Ang pagpangatake giingong konektado sa padangaton nga eleksyon labina nga ang walhong grupo gademanda og permit to campaign (PTC) ug permit to win (PTW) sa mga lokal nga kandidato.
"Our CAAs are our brothers that defend their communities on voluntary basis. They have been our partners as reservist on our journey for a Peaceful War," kini ang pahayag ni Major General Franco Nemesio Gacal, commander sa 4th Infantry Division-Philippine Army.