DUL-AN sa 600 ka mga delegado sa National Youth Day (NYD) kansang foster parishes ug families ang nag-abot-abot na sa Dakbayan sa Mandaue.
Sa alas 12:30 sa udto Martes, Abril 23, anaa na'y 544 ka mga delegado ang niabot gikan sa mga probinsya sa Sugbo, Butuan, Calbayog ug Puerto Princesa.
Ang Dakbayan sa Mandaue ang mo-house sa 1,006 ka mga delegado sa 12 mil kanila.
Tanan sa mga delegado ang mag-abot sa siyam ka festival sites sa Dakbayan sa Mandaue, ang Mandaue City Sports Complex.
Kuhaon sila og bus aron mao'y maghatud kanila sa walo ka host parishes sa Dakbayan sa Mandaue.
Si Melvin Advincula, 25 anyos, usa sa 85 ka mga delegado gikan sa Dakbayan sa Puerto Princesa, nitug-an nga nabalaka man human nabalitaan ang pagpamomba sa mga simbahan ug hotel sa nasud sa Sri Lanka, apan wala kini nakapatalaw kaniya ug ug sa iyang mga kauban.
Dako usab ang ilang pagsalig sa mga namahala ug awtoridad sa Sugbo ug labaw na sa tanan ang iyang pagsalig sa kahitas-an.
"Meron akong doubt or agam-agam na baka may ma-happen din dito sa Cebu, but I trust God. Siyempre, meron kaming adoration and prayer po na maging successful po ito, na hindi maganap ang mga gano'ng bagay. Isa po 'yon sa mga preparation namin upon going here," saysay ni Advicula sa Superbalita Cebu.
Samtang pahimangno usab ni Cebu Archbishop Jose Palma sa mga kandidato sa umaabot nga piniliay nga respetuon ang kalihukan alang sa mga batan-on ug dili mohimo niini nga higayon alang sa ilang pagpangampanya.
Gitug-an sa arsobispo nga wala sila'y gipang-imbitar nga mga government officials apan dili usab hinuon sila mobugaw kon aduna'y mosalmot sa pilgrim walk o sa uban nga kalihukan.
Hinuon ang mga activities sa mga batan-on alang sa National Youth Congress, ang kinahanglan aduna gyud accredited identification card nga hinatag sa NYD organizer.
Sa Myerkules sa hapon, Abril 24, pormal nga sugdan ang mga nagkadaiya nga kalihukan.
Hinungdan nga hangyo usab ni Palma sa publiko, sa Sugbuanon nga tas-an ang pasensya kay posible makamugna og mga paghuot sa trapiko, ilabi na sa paghatod kuha sa mga bus nga kasakyan sa mga delegado padung ug gikan sa ilang mga foster family sa nagkadaiya nga siyudad dinhi sa Metro Cebu padung sa mga lain-laing venue sa kalihukan ug sa mga himuon nga procession ug pilgrims' walk.