SUPERBALITA DAVAO

Davao peligro sa Linog

MATAG karon ug unya ang Office of Civil Defense (OCD)-Davao ug ang Regional Disaster Risk Reduction and Management Council (RDRRMC) nagpahigayon og earthquake drill gumikan posibleng mahitabo sab sa Davao Region ang natigayong magnitude 6.1 nga linog didto sa Floridablanca, Pampanga niadtong Lunes ug ang 6.5-magnitude nga linog sa Eastern Samar Martes nga midanyos og minilyon.

Si OCD-Davao information officer Leslie Francisco, nagbutyag nga wala pa’y namugna nga teknolohiya nga makatagna kanus-a moabot ang linog, busa angay lamang masayod ang katawhan sa pasiunang himuon ugaling moabot ang gikonsiderang “Big One”.

“According to Phivolcs, kung wala daw history ng minor quakes ang fault line mas delikado kung molinog. Mura ra daw na og kanang tawo nga naghilom-hilom ra gani bisan nasuko unya kung mobuto na kay grabe,” ingon ni Francisco.

Sa Davao City, sa Barangay Mintal, Tugbok District nakita ang “fault line” diin gitawag kini nga “Dacudao Fault Line” nga usa sa mga aktibo.

“Unfortunately, the barangay also sits on the Dacudao Fault System, which is identified by the Department of Science and Technology Philippine Institute of Volcanology and Seismology (DOST-Phivolcs) as an active fault line that could trigger a destructive earthquake in Davao City,” dugang sa opisyal sa naunang pakighinabi, kaniya sa mga tigbalita.

Tanang departamento sa gobyerno ning rehiyon subling pukawon aron subling ipahigayon ang regular nga earthquake drill activity agi’g pagpangandam sa dakong linog.

Sumala sa OCD-Davao nga kinahanglan mamahimong alerto ug maalamon sa tanang butang aron mahimong andam ugaling moabot ang kusog kaayo nga linog.

Sa nasampit nga Dacudao Fault Line ang mga lugar nga luwas ugaling moabot ang dakong linog mao ang Mintal Central Elementary School ug Mintal Comprehensive National High School grounds; national highway atubangan sa Holy Cross of Mintal; Holy Spirit Medical Center grounds; National Power Corporation grounds; barangay road gawas sa Purok 13 ug barangay road gawas sa Purok 14.

Ning panahona, gipaneguro sa City Building Office nga mopasar gayod sa ilang mga rekisitos ang buot mokuha og permit kanila alang sa pagtukod og dagkong gambalay aron luwas kini panahon sa kusog nga linog.

Kahinumdoman, sa Davao Region, bulan sa Septiyembre sa nakalabay nga tuig ang Manay, Davao Oriental gitay-og og magnitude 6.4 nga linog.

Pagka-Disyembre 2018 subli sab nga gitay-og ang Davao Oriental og magnitude 7.2 apan niining duha ka kusog nga linog wala kaayo’y natala nga damyos sa hitabo, di susama sa Eastern Samar ug Region 3 nga perting gubaa sa Clark International Airport ug mitala na og 16 ka mga tawo ang namatay.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph