Balay-Balay, Tubig-Tubig: Bata di papasuhon sa ilang graduation

DEAR Atty. Joan,

Naluoy gyud ko sa akong anak kay wala siya gipapaso sa ilang graduation.

Ang akong anak kay nag-eskwela sa usa ka private school.

Sa wala pa ila graduation, gipakita sa klasmet sa akong anak ngadto sa ilang maestra ang iyang Facebook post na nagbra ra sila sa ilang mga amiga. Gipatawag daun mi sa ilang eskwelahan, og nagkig-estorya sila sa amoa.

Ang pag-post sad sa akong anak aning picture kay iya gi “Friends Only” setting sa Facebook.

Pero giingnan gihapon mi sa ekswelahan nga dili pwede mong paso ang among anak kay mao daw na ila patakaran kung mung buhat og mga ing-ana na butang.

Atty., sakto bani ang gibuhat sa eskwelahan nga ila gitan-aw og gipangkuha ang pictures sa Facebook sa akong anak?

Jenny

Dear Jenny,

Wala ra nakalapas ang eskwelahan sa katungod sa imong anak. Ang usa ka tao nga mabutang og picture ngadto sa internet kay nagpakita lang nga giabandonar na niya ang iyang praybasi sa anang picture.

Dili tungod nga “Friends Only” setting siya kay di na makit-an sa uban nga tao, kay pwede man ang iyang “Friends” ang mung share sa pictures or magpakita sa pictures ngadto sa uban nga tao. Mao wala nakalapas ang ekswelahan sa imong anak katungod sa praybasi. Dili sad sad-an ang eskwelahan nga ilang pagpatuman sa ilang disciplinary action sa ilang estudyante labi nga kung ning tuman kung unsa ang nakabutang sa ilang Student’s Handbook.

Atty. Joan

Pahibalo: Kini opinyon lamang nga nag-base sa inyong lakbit-saysay ug kini pwede nga mausab kun dugang pa nga mapatin-awan ang mga detalye. Kon adunay pa kamoy mga pangutana nga adunay kalabutan sa katungod sa mga bata, mahimo kamong mu-message sa among Facebook account Children’s Legal Bureau, Inc.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph